Border News Agency
မိုင်းယု၊ ဇွန် ၃၀။
မူဆယ်မြို့နယ်၊ မိုင်းယု ၁၀၅ မိုင်ရှိ စပါးစိုက်ပျိုးဖို့ အခက်အခဲကြုံနေရတဲ့လယ်သမားတွေကို အာရက္ခတပ်တော် (AA) မီးနဂါးစစ်ဒေသမှ တပ်ဖွဲ့ဝင်တွေက ဇွန်လ ၂၁ ရက်နေ့ကစပြီး ဝိုင်းဝန်းကူညီစိုက်ပျိုးပေးနေပါတယ်။
အဲဒီစပါးစိုက်ပျိုးဖို့အတွက် နေ့စားလုပ်သားခမြင့်မားနေလို့ ငွေကြေးအခက်အခဲကြောင့် လူမငှားနိုင်တဲ့ တောင်သူတွေအတွက် အေအေတပ်ဖွဲ့ဝင်တွေက ကူညီပေးခဲ့တာဖြစ်ပြီး လက်ရှိအချိန်အထိ လယ် ၆ ဧကခန့် စိုက်ပျိုးပေးပြီးပြီလို့သိရပါတယ်။
အခုလိုငွေကြေးမတတ်နိုင်တဲ့တောင်သူတွေကို အေအေတပ်ဖွဲ့ဝင်တွေက လာရောက်ကူညီပေးတဲ့အတွက် များစွာကျေးဇူးတင်တယ်လို့ ဒေသခံလယ်သမားတွေက ဆိုကြပါတယ်။
စပါးစိုက်ပျိုးရေးအခက်အခဲရှိတဲ့ မဟာမိတ်အုပ်ချုပ်ရေးနယ်မြေအတွင်းက လယ်သမားတွေအနေနဲ့ ခုနှစ် စပါးစိုက်ရာသီအတွင်း မဟာမိတ်အုပ်ချုပ်ရေးကော်မတီရုံးသို့ ဆက်သွယ်အကူအညီတောင်းခံနိုင်တယ်လို့လည်းသိရပါတယ်။
