Border News Agency
ပေါက်၊ ဇွန် ၃၀။
မကွေးတိုင်းဒေသကြီး ၊ပခုက္ကူခရိုင်၊ပေါက်မြို့နယ်မှာ အာဏာသိမ်းစစ်တပ်လေကြောင်းတိုက်ခိုက်လို့ အရပ်သားတဦးဒဏ်ရာရသွားတယ်လို့ ပေါက်မြို့နယ် ပအဖအဖွဲ့မှ ဇွန်လ ၃၀ရက် ၊ ဒီနေ့ထုတ်ပြန်ပါတယ်။
အဲဒီပေါက်မြို့နယ်ရှိ ကျေးရွာနှစ်ရွာမှ ဘာသာရေးအဆောက်အအုံတွေကို ဇွန်လ ၂၆ရက် မှ ၂၉ သုံးရက်အတွင်းမှာ စစ်တပ်ရဲ့ ပုဂံညောင်ဦးလေဆိပ်မှတက်လာတဲ့ ဂျိုင်ရိုကောပတာသုံးစီးနဲ့ လေကြောင်းမှတိုက်ခဲ့တာလို့ဆိုပါတယ်။
အဲဒီလိုတိုက်ခိုက်ခဲ့တာကြောင့် ကျေးရွာတွေမှ ဘာသာရေးအဆောက်အအုံတွေအများအပြားပျက်စီးသွားတယ်လို့ဆိုပါတယ်။
ပေါက်မြို့မှတက်လာတဲ့ ဆူဆိုက်ဒရုန်းတွေနဲ့ အာဏာသိမ်းစစ်တပ်မှတိုက်ခိုက်ခဲ့တာတွေကြောင့် အသက်သုံးဆယ်ကိုးနှစ်အရွယ်အရပ်သားတဦး ဒဏ်ရာရသွားခဲ့တယ်လို့ဆိုပါတယ်။
အာဏာသိမ်းစစ်တပ်ဟာ လူနေထူထပ်တဲ့ အရပ်သားပြည်သူတွေနေထိုင်ရာနေရာ၊ စာသင်ကျောင်း၊ ဆေးရုံ၊ ဆေးခန်းနဲ့ သာသနိကအဆောက်အအုံတွေကို ရည်ရွယ်ချက်ရှိရှိ လေကြောင်း၊ လက်နက်ကြီး၊ ဒရုန်းတွေနဲ့ ပစ်မှတ်ထားတိုက်ခိုက်တာတွေပြုလုပ်နေတာကြောင့် အရပ်သားပြည်သူတွေသေဆုံးဒဏ်ရာရနေကြပါတယ်။
