Border News Agency
မောင်တော၊ ဇူလိုင် ၂။
အာရက္ခတပ်တော်(AA)ထိန်းချုပ်ထားတဲ့ မောင်တောခရိုင်ကို ဇူလိုင်လ ၁ ရက်နေ့က အာဏာသိမ်းစစ်တပ်လေကြောင်းတိုက်ခိုက်ခဲ့ပါတယ်။
အဲဒီမောင်တောခရိုင်၊ ဘူးသီးတောင်မြို့နယ်ကို ဇူလိုင်လ ၁ ရက်နေ့၊ မနက်က အာဏာသိမ်းစစ်တပ်လေကြောင်းတိုက်ခိုက်လို့ ကလေးနှစ်ဦးအပါအဝင်လေးဦးဒဏ်ရာရပြီး လူနေအိမ်တဆယ်ကျော်လည်းပျက်စီးသွားခဲ့ပါတယ်။
အဲဒီဘူးသီးတောင်မြို့နယ်ရှိ အမှတ် ၁၅ စစ်ဆင်ရေးကွပ်ကွဲမှူးဌာနချုပ်ဟောင်းနေရာကို ပစ်မှတ်ထားတိုက်ခိုက်ခဲ့တာဖြစ်ပြီး အနီးရှိမူဆလင်ကျေးရွာတွေကိုလည်းကျရောက်ပေါက်ကွဲလို့ ဒဏ်ရာရပျက်စီးခဲ့တာပါ။
အဲဒီအပြင် မောင်တောခရိုင်၊ မောင်တောမြို့နယ်ကို ဇူလိုင်လ ၁ ရက်နေ့၊ ညဥ့်ဆယ်နာရီအချိန်ခန့်ကစတင်ပြီး အာဏာသိမ်းစစ်တပ်လေကြောင်းတိုက်ခိုက်တာတွေ အပြင်းအထန်ပြုလုပ်ခဲ့တာပါ။
အဲဒီမောင်တောမြို့အဝင် မြို့သူကြီးကျေးရွာဟောင်းရှိ အမှတ် ၅ နယ်ခြားစောင့်တပ်ရင်းနဲ့မောင်တောမြို့နယ်၊ လေးမိုင်ရှိ အမှတ် ၄ နယ်ခြားစောင့်တပ်ရင်းကို အာဏာသိမ်းတပ်လေကြောင်းတိုက်ခိုက်ခဲ့တယ်လို့ မောင်တောဒေသခံတွေကဆိုကြပါတယ်။
အဲဒီမောင်တောခရိုင်ကို အာရက္ခတပ်တော်ကအပြီးသတ်သိမ်းပိုက်ထိန်းချုပ်ထားပြီး နယ်စပ်လုံခြုံရေးအပါအဝင် အုပ်ချုပ်ရေးယန္တရားတွေဖော်ဆောင်နေပါတယ်။
အဲဒီမောင်တောမြို့ကို ပြီးခဲ့တဲ့ဇွန်လ ၂၄ ရက်နေ့ကလည်း အာဏာသိမ်းစစ်တပ်လေကြောင်းတိုက်ခိုက်လို့ ကျောင်းသူနှစ်ဦးဒဏ်ရာရပြီးလူနေအိမ်ဆယ်လုံးပျက်စီးသွားပါတယ်။
