Border News Agency
နေပြည်တော်၊ ဇူလိုင် ၂ ။
၃၈ ကြိမ်မြောက်မြန်မာ-ထိုင်းဒေသဆိုင်ရာ နယ်ခြားကော်မတီအစည်းအဝေး တက်ရောက်ဖို့ရောက်နေတဲ့ ထိုင်းဘုရင့်တပ်မတော်က Lt. Gen. Warathep Boonya ဦးဆောင်တဲ့အဖွဲ့ဟာ ဇူလိုင်လ ၁ ရက်နေ့က နေပြည်တော်မှာ ရဲဝင်းဦးနဲ့တွေ့ဆုံခဲ့ပါတယ်။
အဲဒီတွေ့ဆုံပွဲမှာပြီးခဲ့တဲ့ မန္တလေးငလျင်တုန်းက ထိုင်းနိုင်ငံဘက်က ကူညီကယ်ဆယ်ရေးနဲ့ ထောက်ပံ့ရေးပစ္စည်းတွေပေးပို့ခဲ့တဲ့အတွက် ကျေးဇူးတင်စကား ပြောခဲ့ကြပါတယ်။
အဲဒီအပြင် နှစ်နိုင်ငံစစ်တပ်အကြား ချစ်ကြည်ရေးခရီးစဉ်တွေ၊ အားကစားနဲ့ယဉ်ကျေးမှုအဖွဲ့တွေအပြင် သင်တန်းသားတွေကို အပြန်အလှန်စေလွှတ်သွားဖို့လည်း ထည့်သွင်းဆွေးနွေးခဲ့ကြပါတယ်။
နောက်ပြီး နယ်စပ်ဒေသတည်ငြိမ်အေးချမ်းရေး၊ တရားမဝင်ကုန်သွယ်မှု၊ မူးယစ်ဆေးဝါးနဲ့အွန်လိုင်းလိမ်လည်မှုတိုက်ဖျက်ရေးလုပ်ငန်းတွေမှာ နှစ်ဖက်ပူးပေါင်းဆောင်ရွက်မှုကိုလည်းတိုးမြှင့်သွားဖို့ ပြောဆိုခဲ့ကြပါတယ်။
အဲဒီဆွေးနွေးပွဲကို နှစ်နိုင်ငံစစ်ဘက်ဆိုင်ရာအရာရှိကြီးတွေနဲ့အတူ မြန်မာနိုင်ငံဆိုင်ရာထိုင်းနိုင်ငံယာယီသံရုံးတာဝန်ခံလည်း တက်ရောက်ခဲ့တယ်လို့ သိရပါတယ်။
