Border News Agency
မြဝတီ၊ဇူလိုင် ၁၁ ။
ကရင်ပြည်၊မြဝတီမြို့ မြေနီကုန်းလမ်းဆုံအနီးက အာရှလမ်းမကြီးပေါ်မှာ ဇူလိုင်လ ၁၁ ရက်၊ဒီနေ့ ညနေ ၄ နာရီအချိန်ကမိုးအဆက်မပြတ်ရွာပြီး ရေကြီးရေလျှံဖြစ်ကာ လမ်းမကြီးပေါ်ထိ ရေတွေ အရှိန်နဲ့ ကျော်ဆင်းနေပါတယ်။
အဲဒီလမ်းမကြီးပေါ် ရေကျော်နေတဲ့အတွက် မော်တော်ယာဉ်တွေနဲ့ ခရီးသွားပြည်သူတွေ သွားလာရ တော်တော်လေး ခက်ခဲနေပြီး လမ်းပိတ်ဆို့မှုအချို့လည်း ရှိနေပါတယ်။
အဲဒီလမ်းကဖြတ်သန်းသွားလာကြမယ့် မိဘပြည်သူတွေ လမ်းခရီးဘေးကင်းလုံခြုံရေးအတွက် အထူးသတိပြု မော င်းနှင်ကြဖို့ ဒေသခံတွေက သတိပေးထားပါတယ်။
