Border News Agency
ရွှေဘို၊အောက်တိုဘာ ၁၁။
စစ်ကိုင်းတိုင်းဒေသကြီး၊ ရွှေဘိုမြို့နယ်၊ ဆိပ်ခွန်ကျေးရွာမှာရှိတဲ့ မဟာစည်ဆရာတော်ဘုရားကြီးသီတင်းသုံးခဲ့ဖူးတဲ့ သမိုင်းဝင်မဟာစည်ကျောင်းနဲ့ အင်ကြင်းပင်ကျောင်းတို့ကို အောက်တိုဘာလ ၁၁ ရက်၊ဒီနေ့ နေ့လည်က အာဏာသိမ်းစစ်တပ်လေကြောင်းတိုက်ခိုက်ခဲ့ပါတယ်။
အဲဒီလိုလေကြောင်းတိုက်ခိုက်မှုကြောင့် ဘုန်းကြီးကျောင်းအတွင်း ဥပုသ်သီလဆောက်တည်နေကြတဲ့ သက်ကြီးရွယ်အိုတွေနဲ့ စစ်ဘေးရှောင်နှစ်ဦးသေဆုံးသွားခဲ့ရပြီးရှစ်ဦးဒဏ်ရာရသွားခဲ့ကြပါတယ်။
အဲဒီအပြင်ဘုန်းကြီးကျောင်းအတွင်းရှိ ဓမ္မာရုံတွေ၊ ရိပ်သာဆောင်တွေ၊ ဇရပ်စောင်းတန်းတွေအပြင် သမိုင်းဝင်အဆောက်အဦးအများအပြားလည်း ပျက်စီးခဲ့ရပါတယ်။
အာဏာသိမ်းစစ်တပ်ဟာ ဘာသာရေးအဆောက်အဦးတွေနဲ့ စာသင်ကျောင်း၊ ဆေးရုံတွေကို ပစ်မှတ်ထားတိုက်ခိုက်နေတာကြောင့် ဒေသခံပြည်သူတွေအနေနဲ့ လေကြောင်းအန္တရာယ်ကို အထူးသတိပြုကြဖို့ပါ ရွှေဘိုမြို့နယ်ပြည်သူ့ကာကွယ်ရေးအဖွဲ့က တိုက်တွန်းထားပါတယ်။
