Border News Agency
နေပြည်တော်၊ဇူလိုင် ၁၁။
ရိုဟင်ဂျာတွေနဲ့တခြားလူနည်းစုတွေအပေါ် အာဏာသိမ်းစစ်တပ်ကျူးလွန်တဲ့ လူ့အခွင့်အရေးချိုးဖောက်မှုတွေကို မှတ်တမ်းတင်ပြီးထိထိရောက်ရောက် ဖြေရှင်းဖို့ တောင်းဆိုအဆိုပြုချက်ကို ကုလသမဂ္ဂလူ့အခွင့်အရေးကောင်စီက မဲခွဲစရာမလိုဘဲ ကန့်ကွက်သူမရှိ အတည်ပြုလိုက်ပါတယ်။
ဆွစ်ဇာလန်နိုင်ငံ၊ဂျီနီဗာမြို့မှာ ကျင်းပခဲ့တဲ့ ၆၂ ကြိမ်မြောက်ကုလသမဂ္ဂလူ့အ ခွင့်အရေးကောင်စီ ပုံမှန်အစည်းအဝေးမှာ အစ္စလာမ်မစ် ပူးပေါင်းဆောင်ရွက်ရေးအဖွဲ့ (OIC) က တင်သွင်းတဲ့ မြန်မာနိုင်ငံဆိုင်ရာ ဆုံးဖြတ်ချက်အဆိုကို အတည်ပြုချမှတ်ခဲ့တာပါ။
အဲဒီဆုံးဖြတ်ချက်ထဲမှာ အာဏာသိမ်းစစ်တပ်လူ့အခွင့်အရေးချိုးဖောက်မှု အ ရင်းအမြစ်တွေကို ရှာဖွေဖြေရှင်းဖို့နဲ့ ဘင်္ဂလားဒေ့ရှ်နိုင်ငံရောက် ဒုက္ခသည်တွေ ဂုဏ်သိက္ခာရှိရှိ နေရပ်ပြန်လာနိုင်ရေး စတဲ့အချက်တွေ ပါဝင်ပြီး ဗြိတိန်အစိုးရကလည်း ဒီချိုးဖောက်မှုတွေအတွက် အာဏာသိမ်းစစ်တပ်မှာပဲ အဓိကတာဝန်ရှိတယ်လို့ ထောက်ပြကြိုဆိုပါတ ယ်။
အာဏာသိမ်းစစ်တပ်က ဒီဆုံးဖြတ်ချက်ဟာ တဖက်သတ်ဆန်ပြီး မြေပြင်အခြေအနေကို မထင်ဟပ်ဘူးဆိုကာ ငြင်းဆန်ပယ်ချလိုက်ပါတယ်။
နေရပ်စွန့်ခွာသူတွေ ပြန်လည်လက်ခံရေး နှောင့်နှေးနေရတာဟာ သူတို့ကြောင့်မဟုတ်ဘဲ လက်ရှိ ရခိုင်မြေပြင်မှာ အာရက္ခတပ်တော် (AA) ရဲ့ တိုက်ခိုက်မှုတွေကြောင့်ဖြစ်တယ်လို့ အာဏာသိမ်းစစ်တပ်ရဲ့နိုင်ငံခြားရေးဝန်ကြီးဌာနက အာရက္ခတပ်တော်အပေါ် လွှဲချပြောဆိုထားပါတယ်။
ကုလသမဂ္ဂရဲ့ ဆုံးဖြတ်ချက်ကြောင့် အာဏာသိမ်းစစ်တပ်ရဲ့ လူ့အခွင့်အရေး ချိုးဖောက်မှုတွေအပေါ် နိုင်ငံတကာက ဖိအားပေး အရေးယူဖို့ ခြေလှမ်းတွေ ပိုမိုအားကောင်းလာနိုင်တယ်လို့ သုံးသပ်မှုတွေ ရှိနေပါတယ်။
