Border News Agency
ပုဏ္ဏားကျွန်း၊ဇူလိုင် ၁၄။
အာရက္ခဒေသမှာရေကြီးမှုကြောင့် ပျက်စီးသွားတဲ့စပါးခင်းတွေပြန်စိုက်ဖို့ မျိုးစပါးနဲ့စက်သုံးဆီအကူအညီတွေ အရေးပေါ်လိုအပ်နေတယ်လို့ လယ်သမားတွေက ဆိုကြပါတယ်။
အဲဒီရေကြီးမှုကြောင့် ရေနဲ့အတူပါလာတဲ့ နှုန်းနွံတွေက စပါးပင်တွေကို ဖုံးလွှမ်းသွားတာ၊ဒီရေလှိုင်းဒဏ်နဲ့ ရေစီးသန်မှုကြောင့် စပါးပင်တွေအမြစ်ကကျွတ်ပါသွားတာနဲ့ စပါးပင်တွေသေဆုံးကုန်တာတွေကြောင့် လယ်သမားတွေဟာစပါးပြန်စိုက်ကြရမှာပါ။
”ရေကြီးရေလျှံတာကတော့ အာရက္ခမှာ နှစ်တိုင်းလိုလိုပါ။ဒါပေမယ့် ဒီနှစ်ရေ ကြီးတဲ့အချိန်က စပါးပင်တွေအရမ်းင ယ်သေးတဲ့အချိန် ဖြစ်နေတယ်။အပင်ကသုံးလက်မ၊လေးလက်မလောက်ပဲ ရှိသေးတော့ နှုန်းနွံစားတဲ့ဒဏ်ကို မခံနိုင်ကြဘူး။ဒီကြားထဲ ဒီရေလှိုင်းတွေ၊ရေ စီးပြင်းတာတွေကြောင့် အမြစ်ကကျွတ်ပါပြီး သေကုန်တာတွေများလို့ အသစ်ပြန်ထွန်ပြီး စိုက်မှရတော့မယ့်အခြေအ နေဖြစ်နေပါတယ်။”လို့ ပုဏ္ဏားကျွန်းမြို့နယ်မှလယ်သမားတဦးက Border News Agency ကိုပြောပါတယ်။
အဲဒီလယ်တွေကို ပြန်စိုက်ဖို့ လိုနေပေမယ့် ပြန်စိုက်ဖို့ မျိုးစပါးမရှိတာနဲ့စက်သုံးဆီစရိတ်မတတ်နိုင်ကြတော့ဘူးလို့လယ်သမားတွေက ဆိုကြပါတယ်။
အဲဒီအပြင် ပြန်စိုက်ပျိုးရမှာမို့ စိုက်ပျိုးချိန်နောက်ကျသွားနိုင်တဲ့အတွက် လာမယ့်စပါးရိတ်သိမ်းချိန်မှာ စပါးအထွက်နှုန်းကျဆင်းသွားနိုင်တယ်လို့ လယ်သ မားတွေက ဆိုကြပါတယ်။
”ပြန်စိုက်ဖို့ကမျိုးစပါးလိုတယ်။မျိုးစပါးဆိုတာက ပွင့်လင်းရာသီကတည်းက သန့်စင်ပြီး နေအကြိမ်ကြိမ်လှန်းထားမှ အပေါက်ကောင်းတာ။အခုက လယ်သ မားတွေမှာ အပိုမရှိကြဘူး။နောက်တခုက စက်သုံးဆီပါ။ငွေတွေချေးငှားပြီးမှ တကြိမ်ထွန်ထားရတာဆိုတော့ နှစ်ကြိ မ်နှစ်ခါဆိုရင် လယ်သမားတွေ ဘယ်လိုမှ မတတ်နိုင်တော့ဘူး။”လို့ နောက်ထပ်လယ်သမားတဦးက Border News Agency ကို ပြောပါတယ်။
အာရက္ခဒေသမှာ လယ်ယာစရိတ် အဆမတန်ကြီးမားပြီး လုပ်ကိုင်ရခက်ခဲနေပေမယ့် စပါးဈေးနှုန်းကတော့ စပါးတင်းတရာကို အမြင့်ဆုံးကျပ်ခုနှစ်သိ န်းဝန်းကျင်သာရပါတယ်။
ရေဘေးကြောင့် စပါးစိုက်ခင်းတွေ ဆုံးသွားရတဲ့ လယ်သမားတွေကို ကူညီပံ့ပိုးပေးနိုင်ဖို့အတွက် အာရက္ခပြည်သူ့တော် လှန်ရေးအစိုးရစီစဉ်နေတယ်လို့ ဆိုကြပါတယ်။
