အင်တာဗျူး
Border News Agency
မောင်တော၊ဇူလိုင် ၁၆။
အာရက္ခတပ်တော်(AA)ထိန်းချုပ်နယ်မြေတွေက တောင်သူလယ်သမားတွေဟာ အခက်အခဲပေါင်းစုံကြုံတွေ့နေကြရပါတယ်။
အဲဒါကြောင့် မောင်တောမြို့နယ်က လယ်သမားမောင်လှထွန်းကို Border News Agency က တွေ့ဆုံမေးထားပါတယ်။
“စိုက်ခင်းလုပ်ပါတယ်။ အခုကမိုးရာသီဆိုတော့ လယ်လုပ်နေပါတယ်။ လယ်လုပ်ရတဲ့အခက်အခဲကတော့ ပထမဆုံးအစီအစဉ်က စက်နဲ့ထွန်မလို့ရည်မှန်းထားတာ စက်တွေကလည်းမလုံလောက်ပါဘူး။”
“ရွာမှာက စက်အသေးတစီးပဲရှိပါတယ်။ စက်ကသေးနေတော့ လယ်ထွန်ရတာ အဆင်မပြေပါဘူး။လယ်မထွန်နိုင်တဲ့လူတွေအများကြီးရှိကြပါတယ်။ကျနော်မှာက နွားရှိတာကြောင့် နွားနဲ့နိုင်သလောက်ထွန်ထားပါတယ်။”
“စက်နဲ့မထွန်နိုင်ရင်နွားနဲ့ပဲထွန်ထားပါတယ်။ စက်ကအဆင်မပြေလို့။ စက်နဲ့ထွန်ရတာကပိုမြန်ပါတယ်။ လူလည်းသက်သာပါတယ်။ မြန်တာကြောင့်လည်း ပိုက်ဆံတော့ နည်းနည်းပိုပေးရပါတယ်။ နွားနဲ့ထွန်တာကတော့ လူပင်ပန်းပါတယ်။”
“ထွန်မယ်၊မထွန်ကတော့မပြောနိုင်သေးပါဘူး။ လယ်ကတော့ လုပ်ထားကြပါပြီ။ ထွန်မယ်၊မထွန်ဆိုတာက အဓိကပိုက်ဆံပါပဲ။ ပိုက်ဆံမလုံလောက်ရင် မြေဆီမထည့်နိုင်ပါဘူး။ စပါးတွေကို မြေဆီမကျွေးနိုင်ပါဘူး။”
“လယ်လုပ်တာနဲ့ပတ်သက်ပြီးတော့ စိုးရိမ်ပူပင်မှုကတော့မရှိပါဘူး။ကြုံလာတာကိုတော့ဖြတ်သန်းရမှာပါပဲ။လယ်မလုပ်နိုင်လို့ ဝမ်းစာမလောက်ရင်လည်း ဖြစ်သလိုရုန်းကန်ပြီးတော့ ဘဝကို လျောက်သွားရမှာပါပဲ။”
“ကုန်ခဲ့တဲ့ နှစ်တွေကတော့ စက်ကနှစ်ခုသုံးခုရှိပါတယ်။စက်ကလုံလောက်တော့ ထွန်ကြပါတယ်။ဒီနှစ်မှာတော့စက်မလုံလောက်လို့ မထွတ်နိုင်ကြပါဘူး။”
“အခက်အခဲကတော့ အမျိုးမျိုးပါ။အဓိကတော့ စက်မလုံလောက်လို့ မထွန်နိုင်ကြတဲ့လူတွေချည်းပါပဲ။စက်တွေရှိရင်တော့ တပိုင်တနိုင်တော့ လုပ်ကြပါတယ်။အခက်အခဲကတော့ စက်အခက် အခဲပါပဲ။ စက်လိုအပ်ပါတယ်။စက်မရှိလို့မလုပ်နိုင်ကြတဲ့လူတွေများပါတယ်။”
“လယ်တွေအများကြီးရှိပြီးမလုပ်နိုင်တဲ့သူတွေ များပါတယ်။လုပ်မယ်ဆိုပြီးစာ ရင်းပေးထားတာတွေလည်းရှိပါတယ်။အခုကစက်မလုံလောက်လို့ မလုပ်နိုင်ကြပါဘူး။”
“ဒီနှစ်မှာတော့ လူကအနည်းငယ်လောက်ပဲလုပ်နိုင်ကြပါတယ်။ လယ်လုပ်မယ်ဆိုရင်တော့ မြေဩဇာ၊မြေဆီတွေက တော့ လိုအပ်ပါတယ်။”
“အခုနွားနဲ့ထွန်ဖို့ကလည်း စပါးကြဲမယ်လုပ်တုန်းမှာ လယ်လုပ်မယ်လုပ်တုန်းမှာ နွားက ခွာနာကျသွားပါတယ်။ ခွာနာကျသွားတော့ နွားနဲ့ထွန်လို့မရတော့ပါဘူး။မရတော့ စက်သမားတွေကို အတင်းခေါ်ရပါတယ်။စက်ရှိတဲ့သူပေါ့လေ။ သူ့ကိုခေါ်ပြီးတော့ စက်နဲ့ထွန်ဖို့ကျသွားပါတယ်။”
“လယ်လုပ်မယ့်သူကတော့ လုပ်မယ့်သူတွေအများကြီးရှိကြပါတယ်။ခုနားကပြောသလိုမျိုး စက်အဆင်မပြေလို့ စnက်တစီးတည်းနဲ့ကမလုံ လောက်နိုင်ပါဘူး။လယ်မလုပ်နိုင်ပါဘူး။”
“ခုထိ မထွန်နိုင်တဲ့သူတွေအများကြီးရှိကြပါတယ်။အခုက လယ်လုပ်တဲ့သူတွေကနည်းပါတယ်။ လယ်လုပ်တဲ့သူတွေက တဆယ်ကျော်လောက်တော့ ရှိမယ်ထင်ပါတယ်။ လွန်ခဲ့တဲ့နှစ်က လူအများကတော့လုပ်ကြပါတယ်။”
“ကိုယ်နိုင်သလောက်တဧကရှိလို့ တ ဧက နိုင်ရင်တဧက လုပ်ကြပ။တယ်။နှစ်ဧက ရှိတဲ့သူတွေမှာ နှစ်ဧကလုပ်ကြပါတယ်။”
“ဒီနှစ်မှာလည်း စက်က အဆင်မပြေပါဘူး။လိုက်မမှီတော့ လယ်မလုပ်နိုင်တဲ့သူတွေအများကြီးရှိကြပါတယ်။”
“စက်တွေလုံလောက်ရင်တော့ တရွာလုံးကလူတွေက အကုန်အဆင်ပြေကြပါမယ်။စက်သာရှိရင် လုပ်နိုင်သူလုပ်ကြပါလိမ့်မယ်။မလုပ်နိုင်တဲ့သူတွေကတော့ မလုပ်ဘဲနေကြပါမယ်။”
“အဓိကတော့ စက်ရှိရင်လယ်လုပ်ရတာလည်း အဆင်ပြေပါတယ်။နွားကလ ည်းရှိတဲ့သူတွေရှိပါတယ်။မရှိတဲ့သူတွေလည်း မရှိကြပါဘူး။နွားရှိလို့လည်းလယ်မထွန်တတ်ကြတဲ့သူတွေအများကြီးရှိပါတယ်။”
“ကျန်းမာရေးကတော့ ပြောမရပါဘူး။ဖြစ်လာပြန်တော့လည်း ဒီမှာဆေးခန်းတခန်းတော့ရှိပါတယ်။ဆေးကုပေးနေပါတယ်။အလကားတော့ မဟုတ်ပါဘူး။အခကြေးတော့ ပေးရပါတယ်။”
