Border News Agency
တာချီလိတ်၊ စက်တင်ဘာ ၂၃။
ရှမ်းပြည်အရှေ့ပိုင်း၊ တာချီလိတ်မြို့နယ်မှာ ဒေသကာလတန်ဖိုး ငွေကျပ်သိန်းကိုးထောင့်ခြောက်ရာတန်ဖိုးရှိ စိတ်ကြွဆေးပြား နှစ်ဆယ့်လေးသိန်းကို အမျိုးသားငါးဦးနဲ့အတူ ဖမ်းဆီးရမိခဲ့တယ်လို့ မူးယစ်ဆေးဝါး တားဆီးနှိမ်နင်းရေးရဲတပ်ဖွဲ့က စက်တင်ဘာလ ၂၃ ရက်၊ ဒီနေ့ထုတ်ပြန်ပါတယ်။
မူးယစ်ဆေးဝါးတားဆီးနှိမ်နင်းရေး ရဲတပ်ဖွဲ့ပါဝင်တဲ့ပူးပေါင်းအဖွဲ့ဟာ စက်တင်ဘာလ ၂၀ ရက်နေ့က တာချီလိတ်မြို့၊ မကာဟိုခမ်းရပ်ကွက်၊ မယ်ဆိုင်ရေချောင်းဘေးသို့ သွားရောက်စစ်ဆေးခဲ့တာပါ။
အဲဒီစစ်ဆေးမှုအတွင်း စောရန်နိုင်၊ နဝရတ်ဂျ် (ခ) အောင်သူရ၊ အားထူ၊ ဇော်လွင်ဦး (ခ) အဝင်း နဲ့ လွမ်းကိုကိုမောင် (ခ) မှတ်ကြီး တို့ ငါး ဦးထံမှ စိတ်ကြွဆေးပြား နှစ်ဆယ့်လေးသိန်းနဲ့ လက်ကိုင်ဖုန်းခြောက်လုံးတို့ကို သိမ်းဆည်းရမိခဲ့တာဖြစ်ပါတယ်။
မူးယစ်ဆေးဝါးတွေနဲ့အတူ ဖမ်းဆီးရမိခဲ့တဲ့ အသက်သုံးဆယ့်ခြောက်နှစ်အရွယ် စောရန်နိုင်၊ အသက်နှစ်ဆယ့်ကိုးနှစ်အရွယ် နဝရတ်ဂျ် (ခ) အောင်သူရ၊ အသက်နှစ်ဆယ့်ခြောက်နှစ်အရွယ် အားထူ၊ အသက်တဆယ့်ကိုးနှစ်အရွယ် ဇော်လွင်ဦး (ခ) အဝင်းနဲ့ အသက်တစ်ဆယ့်ရှစ်နှစ်အရွယ် လွမ်းကိုကိုမောင် (ခ) မှတ်ကြီးတို့ ငါးဦးကို တာချီလိတ်မြို့မရဲစခန်းမှာ မူးယစ်ဆေးဝါးနဲ့ စိတ်ကိုပြောင်းလဲစေတဲ့ ဆေးဝါးဆိုင်ရာဥပဒေအရ အမှုဖွင့်အရေးယူထားပါတယ်။
မူးယစ်ဆေးဝါးတွေနဲ့ပတ်သက်ပြီး ပါဝင်ပတ်သက်နေသူတွေကို ဆက်လက်ဖော်ထုတ်နိုင်ဖို့အတွက် ရဲတပ်ဖွဲ့က ကွင်းဆက်တွေကို ဆက်လက်ဖော်ထုတ်နေတယ်လို့ ဆိုပါတယ်။
