Border News Agency
အီရန်၊ ဇူလိုင် ၂၇။
ကက်စပီယံပင်လယ်ထဲက အီရန်ကုန်သင်္ဘောတစီးကို ဇူလိုင်လ ၂၅ ရက်နေ့က ယူကရိန်းက တိုက်ခိုက်ခဲ့တာကြောင့် အီရန်သင်္ဘောသားတဦးသေဆုံးပြီး တဦးဒဏ်ရာရသွားခဲ့ပါတယ်။
အဲဒီတိုက်ခိုက်မှုကို ယူကရိန်းသမ္မတဇီလန်စကီးကအတည်ပြုခဲ့ပြီး အီရန်ရဲ့ စစ်ဘက်ဆိုင်ရာပစ္စည်းတွေ တင်ဆောင်ထားတဲ့ သင်္ဘောတွေကို ပစ်ခတ်ခဲ့တာလို့ပြောပါတယ်။
အီရန်ဘက်ကတော့ ဒီလုပ်ရပ်ကို ရန်စမှုအဖြစ် ပြင်းထန်စွာရှုတ်ချထားပြီး အရေးယူပေးဖို့ ယူကရိန်းသံတမန်ကို ဆင့်ခေါ်ကန့်ကွက်ထားပါတယ်။
ဟော်မုဇ်ရေလက်ကြားမှာ အမေရိကန်နဲ့တင်းမာနေချိန် အရေးပါတဲ့ ကက်စပီယံပင်လယ်ရေကြောင်းလမ်းပါ ခြိမ်းခြောက်ခံလာရတာကြောင့် အီရန်အတွက် စိုးရိမ်စရာဖြစ်လာနေတာပါ။
အဲဒါကြောင့် တင်းမာမှုတွေပိုမိုမကြီးထွားလာစေဖို့ ကာတာနဲ့ အီဂျစ်အပါအဝင် ဒေသတွင်းနိုင်ငံတွေက ကြားဝင်စေ့စပ်ပေးဖို့ကြိုးပမ်းနေကြပါတယ်။
