Border News Agency
အီရန်၊ သြဂုတ် ၂။
အီရန်နိုင်ငံကိုတိုက်ခိုက်မယ့် အစီအစဉ်တွေကို ဆိုင်းငံ့ထားဖို့ အမေရိကန်နဲ့အစ္စရေးတို့ သဘောတူညီခဲ့တယ်လို့ အမေရိကန်သမ္မတဒေါ်နယ်ထရန့်က ဩဂုတ်လ ၁ ရက်နေ့မှာပြောပါတယ်။
စွမ်းအင်အခြေခံအဆောက်အအုံတွေအပါအဝင် အီရန်ကို ပြင်းပြင်းထန်ထန်တိုက်ခိုက်ဖို့ပြင်ဆင်ခဲ့ပေမယ့် အီရန်နဲ့အရှေ့အလယ်ပိုင်းနိုင်ငံတွေရဲ့ တောင်းဆိုချက်ကြောင့် တိုက်ခိုက်မှုအသစ်တွေကို ဆိုင်းငံ့ဖို့သဘောတူခဲ့တာလို့ ထရန့်ကသူရဲ့ Truth Social မှာ ရေးသားခဲ့တာပါ။
ဒါပေမယ့်လည်းသဘောတူညီချက် မြန်မြန်ဆန်ဆန်ရရှိရမှာဖြစ်ပြီး အဲဒီသဘောတူညီချက်မှာ ဟော်မုဇ်ရေလက်ကြားကို ချက်ချင်း အပြည့်အဝပြန်လည်ဖွင့်လှစ်နိုင်ဖို့နဲ့ အီရန်ရဲ့ နျူကလီးယား ခြိမ်းခြောက်မှုကို အဆုံးသတ်ပါဝင်ရမယ်လို့ဆိုပါတယ်။
အဲဒီကတိကဝတ်မှာ အစ္စရေးနိုင်ငံကလည်း ပူးပေါင်းပါဝင်တယ်လို့ ထရန့်ကပြောဆိုထားပြီး မကြာသေးမီက တိုက်ပွဲတွေပြန်လည်စတင်ခဲ့တာမို့ ကမ္ဘာ့ရေနံဈေးနှုန်းတွေပြန်လည်မြင့်တက်လာခဲ့တာပါ။
လက်ရှိမှာ အရှေ့အလယ်ပိုင်းရှိ အမေရိကန်သံရုံးတွေကလည်း ဒေသတွင်းပဋိပက္ခအရှိန်မြင့်တက်လာနိုင်တာမို့ ဘေးလွတ်ရာသို့ ထွက်ခွာဖို့အသင့်ပြင်ဆင်ထားကြဖို့ အမေရိကန်နိုင်ငံသားတွေကသတိပေးထားပါတယ်။
