Border News Agency
ထိုင်း၊ သြဂုတ် ၂။
ထိုင်းနိုင်ငံ၊ ချွန်ဘူရီခရိုင်မှာ ရုရှားမောင်နှမနှစ်ဦးအပါအဝင် လူငါးဦးရက်စက်စွာအသတ်ခံရတဲ့ အမှုနဲ့ပတ်သက်လို့ ကျူးလွန်သူတွေကို လုံးဝသက်ညှာမှာမဟုတ်ဘူးလို့ ထိုင်းဝန်ကြီးချုပ်အနုတင်ချာန်ဗီရကူးလ်က ဩဂုတ်လ ၁ ရက်မှာပြောကြားလိုက်ပါတယ်။
ဝန်ကြီးချုပ်အနုတင်ဟာ အလောင်းတွေတူးဖော်တွေ့ရှိခဲ့တဲ့ ဘန်လာမွန်းမြို့နယ်အတွင်းရှိ ဟွေးယိုင်ကျေးရွာအုပ်စုတောအုပ်နဲ့ အုန်းခြံနေရာတွေသို့ ဟယ်လီကော်ပတာနဲ့ သွားရောက်စစ်ဆေးခဲ့တာပါ။
အဲဒီရာဇဝတ်မှုဟာပြည်သူတွေရဲ့ လုံခြုံရေးနဲ့ခရီးသွားလုပ်ငန်းကိုထိခိုက်စေတဲ့အတွက် ပြစ်ဒဏ်လျှော့ပေါ့ပေးမှာမဟုတ်ပဲ တရားဥပဒေအတိုင်း ထိုက်တန်တဲ့ ပြစ်ဒဏ်ရရှိရေး လုပ်ဆောင်သွားမယ်လို့ဆိုပါတယ်။
လက်ရှိမှာအလောင်းဖျောက်မှုနဲ့ သံသယရှိသူသာနာကာ့သောင် (ခေါ်)ပေါင် နဲ့သောင်ချိုင်းသရီနီးလ် (ခေါ်) သောင်တို့အပါအဝင်လေးဦးကို ဖမ်းဆီးထားပြီးဖြစ်ပါတယ်။
အဲဒီအပြင် ဝန်ကြီးချုပ်က သေဆုံးသူမိသားစုတွေနဲ့ထပ်တူ ဝမ်းနည်းရကြောင်းနဲ့ရုရှားပြည်သူတွေကို တောင်းပန်ကြောင်းပြောကြားခဲ့သလို သံသယရှိသူတွေကိုထိုက်တန်တဲ့ ပြစ်ဒဏ်စွဲချက်တင်နိုင်ရေးအမှုတွဲတွေ သေချာပြင်ဆင်ကြဖို့လည်း ညွှန်ကြားထားပါတယ်။
