Border News Agency
နေပြည်တော်၊ သြဂုတ် ၆။
အာဏာသိမ်းစစ်ခေါင်းဆောင်မင်းအောင်လှိုင်ဦးဆောင်ပြီး အာဏာသိမ်းစစ်အုပ်စုဟာ ဩဂုတ်လ ၆ ရက်၊ ဒီနေ့မနက်က နေပြည်တော်တပ်မတော်လေဆိပ်က အထူးလေယာဉ်နဲ့ ထိုင်းသို့စထွက်သွားပါတယ်။
အဲဒီမှာဦးခင်မောင်ရီ၊ ဦးတင်မောင်ဆွေ၊ ဦးကိုကိုလွင်၊ ဦးခင်မောင်စိုး၊ ဦးထွန်းအုံ၊ အာဏာသိမ်းစစ်အုပ်စုရဲ့ ကရင်ပြည်နယ်ဝန်ကြီးချုပ်ဦးစောမြင့်ဦး၊ တနင်္သာရီတိုင်းဒေသကြီး ဝန်ကြီးချုပ်ဦးဇော်နိုင်ဦး၊ ဒုတိယဝန်ကြီးတွေနဲ့တာဝန်ရှိသူတွေလိုက်ပါသွားကြပါတယ်။
အဲဒီထိုင်းနိုင်ငံဝန်ကြီးချုပ်နဲ့တွေ့ပြီး နှစ်နိုင်ငံဆွေးနွေးပွဲလုပ်တာ၊ ထိုင်းနိုင်ငံ အမျိုးသားလွှတ်တော်ယာယီဥက္ကဋ္ဌနဲ့တွေ့တာတွေအပြင် စီးပွားရေးအဖွဲ့အစည်းတွေက ပုဂ္ဂိုလ်တွေကိုလက်ခံတွေ့ဆုံသွားမှာဖြစ်သလို မြန်မာ-ထိုင်း စီးပွားရေးဖိုရမ်ကိုလည်း တက်သွားဖို့ရှိပါတယ်။
မြန်မာ-ထိုင်း နှစ်နိုင်ငံချစ်ကြည်ရင်းနှီးတဲ့ဆက်ဆံရေးကို ပိုမိုခိုင်မာလာစေရေး၊ နှစ်နိုင်ငံအစိုးရနဲ့ပြည်သူတွေကြား စီးပွားရေး၊ ယဉ်ကျေးမှုနဲ့ကဏ္ဍပေါင်းစုံမှာပေါင်းလုပ်ရေးကို ဆွေးနွေးသွားမှာဖြစ်ပါတယ်။
အဲဒီအာဏာသိမ်စစ်ခေါင်းဆောင်ကို ဖမ်းဆီးအရေးယူပေးဖို့တောင်းဆိုထားကြသလို သူ့ခရီးစဥ်ကို ကန့်ကွက်ဆန္ဒပြဖို့လည်း စီစဥ်ထားကြပါတယ်။
