Border News Agency
ကိုလံဘီယာ၊ သြဂုတ် ၁၁။
ကိုလံဘီယာနိုင်ငံအနောက်ပိုင်းမှာ ပြင်းအား ၇ ဒသမ ၄ အဆင့်ရှိ ပြင်းထန်တဲ့ ငလျင်လှုပ်ခတ်ခဲ့တာကြောင့် အနည်းဆုံးလူတရာ့သုံးဆယ်နှစ်ဦးသေဆုံးပြီး ငါးရာ့ခုနှစ်ဦးဒဏ်ရာရရှိခဲ့ကာ အဆောက်အအုံထောင်ပေါင်းများစွာ ပျက်စီးသွားခဲ့ပါတယ်။
အဲဒီငလျင်ဟာ ၁၉၉၀ ပြည့်နှစ်နောက်ပိုင်း နိုင်ငံအတွင်းအပြင်းထန်ဆုံးငလျင်ဖြစ်ပြီး ငလျင်ဗဟိုချက်မှာ မြို့တော်ဘိုဂိုတာရဲ့ အနောက်ဘက် မိုင် ၁၅၀ ခန့်အကွာ စန်ဟိုဆေဒဲလ်ပယ်လ်မာမှာဖြစ်လို့ မြို့တော်အပါအဝင် အိမ်နီးချင်း ဗင်နီဇွဲလားနိုင်ငံအထိပါရိုက်ခတ်ခဲ့တာပါ။
ကာလီမြို့ရှိဆေးရုံတရုံရဲ့ ကလေးငယ်တွေ စောင့်ရှောက်ရေးဌာနအပါအဝင် အဆောက်အအုံများစွာပျက်စီးခဲ့ရပြီး အပျက်အစီးတွေအောက်က ပြည်သူတွေကို ရှာဖွေကယ်ဆယ်နိုင်ဖို့ အပြိုင်အဆိုင်ဆောင်ရွက်နေကြရပါတယ်။
အစိုးရက အမျိုးသားအရေးပေါ် ဘေးအန္တရာယ်အဖြစ် ကြေညာလိုက်ပြီး စစ်တပ်ကို စေလွှတ်၍ ရှာဖွေကယ်ဆယ်ရေးနှင့် ကူညီရေးလုပ်ငန်းများလုပ်ဆောင်နေပါတယ်။
