Border News Agency
ရန်ကုန်၊ သြဂုတ် ၁၁။
တားမြစ်ဓာတုပစ္စည်းတွေပါဝင်နေတဲ့ အိုင်းလိုင်းနား၊မိတ်ကပ်နီနဲ့ ဆံပင်ဆိုးဆေးအပါအဝင် အလှကုန်ပစ္စည်း ၅ မျိုးကိုမသုံးကြဖို့ အစားအသောက်နဲ့ ဆေးဝါးကွပ်ကဲရေးဦးစီးဌာန (FDA) က အသိပေး သတိပေးလိုက်ပါတယ်။
စစ်ဆေးချက်တွေအရ 88 Total White Underarm Cream မှာ စတီးရိုက်နဲ့ မာကျူရီ ပါဝင်နေပြီး Anylady Make-Up Palette Highlighter/Blusher သုံးမျိုးမှာ Rhodamine B + နဲ့ Herbul Black Henna ဆံပင်ဆိုးဆေးမှာတော့ Barium Peroxide တားမြစ်ဓာတုပစ္စည်းတွေ ပါနေတာကိုတွေ့ခဲ့ရတာပါ။
ဒီအလှကုန်ငါးမျိုးဟာ FDA မှာမှတ်ပုံတင်ထားတာမရှိသလို အရေပြား ယားယံတာ၊ရောင်ရမ်းတာ၊ထုံကျင်တာနဲ့ ပင်ပန်းနွမ်းနယ်တာတွေအပြင် ရေရှည်သုံးရင် ကျောက်ကပ်ပျက်စီးတာအထိဒုက္ခပေးနိုင်ပါတယ်။
အဲဒါကြောင့်တင်သွင်းဖြန့်ဖြူးသူတွေ၊လက်လီလက်ကားဆိုင်တွေနဲ့ အွန်လိုင်းစျေးဆိုင်တွေအနေနဲ့ ဒီတားမြစ်အလှကုန်တွေကို မရောင်းကြဖို့နဲ့ လိုက်နာမှုမရှိရင် ပြည်သူ့ကျန်းမာရေးဥပဒေနဲ့ အရေးယူမယ်လို့ အသိပေးထားပါတယ်။
