Border News Agency
မလေးရှား၊ ဩဂုတ် ၂၄။
မလေးရှားနိုင်ငံ၊နီဂရီဆမ်ဘီလန်ပြည်နယ်မှာ သြဂုတ်လ ၂၃ ရက်နေ့က မြန်မာ ၃ ဦးအပါအဝင် ၅၇ ဦးဖမ်းဆီးခံခဲ့ရပါတယ်။
အဲဒီ နီဂရီဆမ်ဘီလန်ပြည်နယ်၊ဆရင်ဘန်းမြို့ရှိ ဟိုတယ်နဲ့အဆောင်အချို့မှာ နိုင်ငံခြားသူတွေကိုအသုံးပြုပြီး တရားမဝင်ပြည့်တန်ဆာလုပ်ငန်းလုပ်ကိုင်နေသူတွေကို သြဂုတ်လ ၂၃ ရက်နေ့က လုံခြုံရေးတပ်ဖွဲ့တွေက အော်ပရာစီဝင်ရောက်ဖမ်းဆီးခဲ့ပါတယ်။
အဲဒီဖမ်းဆီးမှုအတွင်း မလေးရှား ၇ ဦး၊အင်ဒိုနီးရှား အမျိုးသား ၃ ဦး၊ဘင်္ဂလားဒေ့ရှ် အမျိုးသား ၁၂ ဦးနဲ့ မြန်မာ အမျိုးသား ၃ ဦးတို့ကို ဖမ်းဆီးမိခဲ့တာပါ။
အဲဒီအပြင် ပြည့်တန်ဆာလုပ်ငန်းမှာ အသုံးပြုခံရတဲ့အင်ဒိုနီးရှား အမျိုးသမီး ၂၆ ဦး၊ ဘင်္ဂလားဒေ့ရှ် အမျိုးသမီး ၅ ဦးနဲ့ အိန္ဒိယ အမျိုးသမီး ၁ ဦး၊ စုစုပေါင်း ၅၇ ဦးကို ထိန်းသိမ်းခဲ့ပါတယ်။
အဲဒီ အသက် ၁၉ နှစ်မှ ၆၅ နှစ်ကြားရှိ ဖမ်းဆီးရမိသူအားလုံးကို ဥပဒေအရ အရေးယူနိုင်ရေးအတွက် သက်ဆိုင်ရာ လဝကနဲ့ ရဲတပ်ဖွဲ့က ဆက်လက်ထိန်းသိမ်းစစ်ဆေးနေပါတယ်။
