Border News Agency
မောင်တော၊ ဩဂုတ် ၂၇။
၂၀၁၇ ခုနှစ်က ရသေ့တောင်၊ဘူးသီးတောင်၊မောင်တောမှာ အသက်ဆုံးရှုံးခဲ့ရတဲ့မူဆလင်တွေအောက်မေ့သတိရတဲ့အခမ်းအနားကို မူဆလင်ရေးရာကောင်စီက ဦးဆောင်ကျင်းပခဲ့ပါတယ်။
အဲဒီပွဲကိုအာရက္ခပြည်သူ့တော်လှန်ရေးအစိုးရရဲ့ပံ့ပိုးမှုနဲ့ ဩဂုတ်လ ၂၆ ရက်နေ့က မောင်တောမြို့မှာ ကျင်းပခဲ့တာပါ။
အဲဒီမူဆလင်တွေ၊ဘာသာရေးခေါင်းဆောင်တွေနဲ့ လူမှုအသိုက်အဝန်းကိုယ်စားလှယ်တွေတက်ခဲ့ကြပြီး အသက်ရှင်ကျန်ရစ်သူတွေရဲ့နာကျင်မှုကို မမေ့လျော့စေရေးနဲ့ အကြမ်းဖက်မှုတွေ နောင်ထပ်မဖြစ်ပွားစေရေးအတွက် စုဝေးခဲ့ကြတာပါ။
”အစွန်းရောက်အကြမ်းဖက် ARSA အလိုမရှိ” ဆိုတဲ့ စာသားနဲ့ “လူသတ်အကြမ်းဖက် မြန်မာစစ်တပ်ကျရှုံးရမည်” ဆိုတဲ့ စာတန်းတွေကိုကိုင်ဆောင်ကာ တက်ရောက်လာသူတွေက မြန်မာစစ်တပ်နဲ့ ARSA အဖွဲ့ရဲ့ အကြမ်းဖက်မှုတွေကို ဆန့်ကျင်ရှုတ်ချခဲ့ကြပါတယ်။
၂၀၁၇ ခုနှစ်၊ဩဂုတ်လ ၂၅ ရက်က ARSA ရဲ့ တိုက်ခိုက်မှုအပြီး မြန်မာစစ်တပ်ရဲ့ စစ်ဆင်
ရေးတွေကြောင့် မူဆလင်ခုနှစ်ငါးသိန်းကျော် ဘင်္ဂလားဒေ့ရှ်သို့ ထွက်ပြေးခဲ့ရကာ နယ်စည်းမခြားဆရာဝန်များအဖွဲ့ (MSF) ရဲ့ စစ်တမ်းတွေအရ လူပေါင်းကိုးထောင်ခန့်သေဆုံးခဲ့ရ
ပါတယ်။
အာရက္ခပြည်သူ့တော်လှန်ရေးအစိုးရတာဝန်ရှိသူတွေက အတိတ်ကဖြစ်စဉ်တွေအတွက် အမှန်တရားနဲ့ တရားမျှတမှုရရှိရေး၊ဖြစ်ရပ်တွေထပ်မဖြစ်ရေးနဲ့ ဒေသတွင်းအသိုက်အဝန်းတွေအကြား လုံခြုံစွာအတူယှဉ်တွဲနေထိုင်နိုင်ရေးကို တောင်းဆိုခဲ့ကြပါတယ်။
