Border News Agency
ရန်ကုန်၊ စက်တင်ဘာ ၂ ။
စစ်တပ်အာဏာသိမ်းချိန်မှ ၂၀၂၅ ဩဂုတ်လကုန်ထိ ကရင်နီပြည်နဲ့ကယန်းဒေသမှာ စစ်အုပ်စုရဲ့ တိုက်ခိုက်မှုတွေကြောင့် အရပ်သားပြည်သူနဲ့ စစ်ဘေးရှောင် ၈၁၆ ဦးထိ သေဆုံးခဲ့ရတ ယ်လို့ တိုးတက်သောကရင်နီပြည်သူ့အင်အားစု (PKPF)က စက်တင်ဘာ ၁ ရက်၊ မနေ့က ထုတ်ပြန်ပါတယ်။
အဲဒီသေဆုံးခဲ့ရတဲ့သူတွေဟာ ၂၀၂၁ မှာ ၁၇၂ ဦး၊ ၂၀၂၂ မှာ ၂၈၄ ဦး၊ ၂၀၂၃ မှာ ၁၀၆ ဦးနဲ့ ၂၀၂၅ ခုနှစ် ရှစ်လတာကာလအထိ ၁၀၆ ဦး၊ စုစုပေါင်း ၈၁၆ ဦးထိ ရှိနေတယ်လို့ PKPF ရဲ့ ထုတ်ပြန်ချက်မှာ ဖော်ပြထားပါတယ်။
စစ်အာဏာသိမ်းပြီး ငါးနှစ်နီးပါးအတွ င်း တိုက်ပွဲပေါင်း ၁၃၉၉ ကြိမ်၊လေ ကြောင်းတိုက်ခိုက်မှု ၂၀၈၅ ကြိမ်၊ပျက် စီးသွားတဲ့ ဘာသာရေးအဆောက်အအုံ ၅၈ ခု၊ပျက်စီးသွားတဲ့နေအိမ် ၃၁၉၀ လုံး၊ပျက်စီးသွားတဲ့ ဆေးရုံနဲ့ဆေးခန်း ၁၉ ခု၊ပျက်စီးသွားတဲ့ စာသင်ကျောင်း ၃၀ ထိ ရှိခဲ့တယ်လို့ လည်းဆို ပါတယ်။
နှစ်ဘက်တိုက်ပွဲတွေအတွင်း စစ်အုပ်စုဘက်က သေဆုံးသူ ၃၉၂၆ ဦးထိ ရှိခဲ့တယ်လို့လည်းဖော်ပြထားပါတယ်။
ဒါပေမယ့် တော်လှန်ရေးတပ်ဖွဲ့တွေဘက်က သေဆုံးသူအရေအတွက်ကို ထုတ်ပြန်ချက်မှာ ဖော်ပြမထားပါဘူး။
ကရင်နီဒေသဟာ စစ်တပ်ကအာဏာသိမ်းပြီးနောက် စစ်အုပ်စုကို ပြင်းပြင်း ထန်ထန် လက်နက်ကိုင်ခုခံတိုက်ခိုက်နေတဲ့ ဒေသတခုဖြစ်ပါတယ်။
စစ်အုပ်စုဘက်ကလည်း အရပ်သားတွေနေထိုင်တဲ့ကျေးရွာတွေ၊ဒုက္ခသည်စခန်းတွေကို လေကြောင်း၊လက်နက် ကြီးတွေနဲ့ တိုက်ခိုက်လေ့ရှိတာကြောင့် ဒေသခံ သိန်းနဲ့ချီ အိုးအိမ်စွန့်ခွာထွက် ပြေးနေကြရပါတယ်။
