အာရက္ခတပ်တော် (AA) သိမ်းပိုက်ထိန်းချုပ်ထားတဲ့မောင်တောမြို့ထဲသို့ ရာမ်ဇာန်ဥပုသ်လမရောက်မီ ပြန်လည်ဝင်ရောက်နေထိုင်ခွင့်ပေးဖို့ အာရက္ခပြည်သူ့အစိုးရကို မွတ်ဆလင်အသိုင်းအဝိုင်းက တောင်းဆိုနေကြပါတယ်။
အဲဒီမောင်တောမြို့ထဲသို့ ရခိုင်၊ ဟိန္ဒူအပါအဝင်တခြားလူမျိုးတွေကို ဝင်ရော က်ခွင့်ပြုထားပေမယ့် မွတ်ဆလင်တွေကိုတော့ မောင်တောမြို့ထဲကို တရားဝင် ဝင်ရောက်နေထိုင်ခွင့်မပြုသေးဘူးလို့မွတ်ဆလင်အသိုင်းအဝိုင်းက ဆိုကြပါတယ်။
အဲဒီမောင်တောမြို့နယ်၊ရွှေဇားကျေး ရွာအုပ်စုရှိ မွတ်ဆလင်ကျေးရွာတွေမှာဝင်ရောက်နေထိုင်ခွင့်ပြုထားပေမယ့်မြို့ထဲကိုတော့ လုံးဝဝင်ရောက်နေထိုင်ခွင့်မပြုသေးတာမို့ ခုလိုဘာသာရေးဆိုင်ရာနေ့ကြီးတွေကျရောက်တော့မယ့်အချိန်မှာ ပြန်လည်ဝင်ရောက်နေထိုင်ခွင့်ပေးဖို့ တောင်းဆိုနေကြတာဖြစ်ပါတယ်။
“ညီမက မောင်တောမြို့ပေါ် မှမူဆလင်လူမျိုးတယောက်ပါ။ မကြာခင် ကျမတို့ရဲ့ရာမ်ဇာန်ဥပုသ်လကျတော့မှာပါ။ရာ မ်ဇာန်ဥပုသ်လမကျခင် ကျမတို့ကို ကို ယ်အိမ်ကိုယ်ပြန်ခွင့်ပေးပါ။အာရက္ခအ စိုးရကို အနူးအညွတ်တောင်းဆိုပါတယ်။” လို့ မောင်တောမြို့ပေါ်မှစစ်ဘေးရှောင်နေသူမွတ်ဆလင်အမျိုးသမီးတဦးက Border News Agency ကို ပြောပါတယ်။
အဲဒီမောင်တောမြို့နယ်ကို ပြီးခဲ့တဲ့နှစ်ဒီဇင်ဘာလ ၈ ရက်နေ့က အာရက္ခတပ်တော်မှအပြီးသတ်သိမ်းပိုက်ထားပြီး အု ပ်ချုပ်ရေးယန္တရားတွေ ဖော်ဆောင်နေပြီလို့ မောင်တောဒေသခံတွေက ဆိုကြပါတယ်။
အာရက္ခအဆုံးအဖြတ်စစ်ပွဲမှာ အာရက္ခတပ်တော်ဟာ ပလက်ဝဒေသအပါအဝင် မောင်တော၊ ဘူးသီးတောင်၊ ရသေ့တောင်၊ ပုဏ္ဏားကျွန်း၊ ကျောက်တော်၊ မြောက်ဦး၊ မင်းပြား၊ မြေပုံ၊ ပေါက်တော၊ ရမ်းဗြဲ၊ သံတွဲ၊ တောင်ကုတ်၊ အမ်း၊ ဂွ မြို့ နယ်တွေကို အပြီးသတ်သိမ်းပိုက်ထိန်းချုပ်ထားပြီဖြစ်ပါတယ်။
အာရက္ခတပ်တော်သိမ်းပိုက်ထိန်းချုပ်ထားတဲ့နယ်မြေတွေမှာ အာရက္ခပြည်သူ့တော်လှန်ရေးအစိုးရအဖြစ်အုပ်ချုပ်ရေးယန္တရားတွေ ဖော်ဆောင်နေပြီး အာရက္ခပြည်သူတွေကို ပြည်သူ့ဝန်ဆောင် မှုတွေ ဆောင်ရွက်ပေးနေတယ်လို့ အာရက္ခပြည်သူတွေက ဆိုကြပါတယ်။
အဲဒါကြောင့် အာရက္ခပြည်သူ့တော်လှန်ရေးအစိုးရဟာ သူတို့အုပ်ချုပ်ရေးနယ်မြေတွေမှာ အစ္စလာမ်ဘာသာဝင်တွေကိုလည်း ဘာသာရေးလွတ်လပ်ခွင့်တွေ
ပေးထားတာမို့ မောင်တောမြို့ပေါ်မှအစ္စလာမ်ဘာသာဝင်မွတ်ဆလင်တွေကိုလည်း တန်းတူအခွင့်အရေးတွေပေးစေချင်တယ်လို့ မောင်တောမြို့မှမွတ်ဆ လင်တွေက ဆိုကြပါတယ်။
“ကျွန်တော်တို့ ရာမ်ဇာန်ဥပုသ်လမကျခ င် ကျနော်တို့ မောင်တောမြို့ပေါ်က လူတွေ နေရပ်ပြန်ဖို့တောင်းဆိုပါတယ်။အာရက္ခအစိုးရက ကျနော့်တို့ကိုလည်းတန်းတူအခွင့်အရေးတွေပေးစေချင်ပါတယ်။ကျေးဇူးတင်ပါတယ်။” လို့ မောင်တောမြို့၊အမှတ် ၂ ရပ်ကွက်မှစစ်ဘေးရှောင်နေသူမွတ်ဆလင်တဦးက BorderNews Agency ကိုပြောပါတယ်။
လာမယ့်ရက်ပိုင်းတွေမှာ အစ္စလာမ်ဘာ သာဝင်တွေရဲ့ရာမ်ဇာန်ဥပုသ်လကျရောက်တော့မှာဖြစ်ပြီး တလတာဥပုသ်စောင့်ကြမှာမို့ မိမိတို့ရဲ့မူလနေအိမ်တွေမှာသာ ပြန်နေခွင့်တောင်းဆိုနေကြတာဖြစ်တယ်လို့ မောင်တောမြို့ပေါ်မှစစ်ဘေးရှောင်မွတ်ဆလင်တွေက ဆိုကြပါတယ်
။
အာရက္ခပြည်သူ့တော်လှန်ရေးအစိုးရထိ န်းချုပ်နယ်မြေတွေမှာအစ္စလာမ်ဘာ သာဝင်တွေရဲ့ ကျမ်းမြတ်ကုရ်အာန် အာဂုံဆောင်ဘွဲ့လက်မှတ်အပ်နှံ (ဂျလ်ဆာ) ပွဲတွေကို လွတ်လပ်စွာကျင်းပပြုလုပ်ခွင့်ပေးနေတယ်လို့ အာရက္ခဒေသမှအစ္စလာမ်ဘာသာဝင်တွေက ဆိုကြပါတယ်။
အဲဒါကြောင့် အာရက္ခပြည်သူ့တော်လှန် ရေးအစိုးရဟာ အာရက္ခဒေသကို ဘာသာရေးကိုအခြေမခံတဲ့ဒေသအဖြစ်သ တ်မှတ်လုပ်ဆောင်သင့်ပြီး အဲဒီလိုလုပ်ဆောင်မှသာ အာရက္ခဒေသမှာလူမျိုး ရေး၊ဘာသာရေးပဋိပက္ခတွေ ကင်းဝေးကာနိုင်ငံတကာအသိုင်းအဝိုင်းက လက်ခံယုံကြည့်ကူညီထောက်ပံ့လာနိုင်တယ်လို့ နိုင်ငံတကာအသိုင်းအဝိုင်းက ဆိုကြပါတယ်။
