မောင်တူရေးသည်။

အာရက္ခဒေသ၏ငွေကြေးအခြေအနေ

အာရက္ခတပ်တော်(AA)သိမ်းပိုက်ထိန်းချုပ်ထားသည့်နယ်မြေအားလုံးတွင် ငွေသားပြတ်လပ်မှုများကို ကြုံတွေ့နေကြရသည်ဟု အာရက္ခပြည်သူများက ဆိုကြသည်။

အာရက္ခဒေသတွင် ဘဏ်လုပ်ငန်းများ ရပ်တန့်သွားသဖြင့် ငွေသားပြတ်လပ်လာပြီး ငွေလွှဲ၊ ငွေထုတ်လုပ်ငန်များခက်ခဲလာကာငွေလွှဲထုတ်ခများ ယခင်ကထက်မြင့်တက်နေသည်ဟု အာရက္ခပြည်သူများက ဆိုကြသည်။

ထိုကဲ့သို့ ငွေသားပြတ်လပ်လာခြင်းအား ကုန်ထုတ်လုပ်မှုနှင့်တိုင်းတာနိုင်ပေသည်။ သကြားမထုတ်လုပ်နိုင်သောသူသည် သကြားထုတ်လုပ်သူထံမှ သ ကြားကိုဝယ်ရသည်ဆိုသည့် သဘောတရားဖြင့် တိုင်းတာ၍ရပေသည်။

အာရက္ခဒေသမှ ငွေသားဖြင့် အိန္ဒိယ၊ ဘင်္ဂလားဒေ့ရှ်၊ ပြည်မဘက်မှ ထုတ်ကုန်များကိုဝယ်ယူရပေသည်။ မဝယ်၍မရ၊ မဝယ်လျှင် ငတ်ကြပေမည်။

ထို့ကြောင့် ထုတ်ကုန်များကို မိမိတို့ငွေ သားဖြင့်ဝယ်လေလေ မိမိတို့ဆီက ငွေသားထွက်သွားလေဖြစ်ပေသည်။

အဆိုပါငွေသားအား အာရက္ခဒေသထံ ပြန်စီးဝင်စေရန် အာရက္ခဒေသမှထုတ် ကုန်များကို အဆိုပါအိန္ဒိယ၊ ဘင်္ဂလားဒေ့ရှ်၊ပြည်မဘက်မှ ပြန်ဝယ်ရမည်ဖြစ်ပေသည်။

အာရက္ခဒေသမှထုတ်ကုန်များကို များများတက်ပို့နိုင်လျှင် အာရက္ခဒေသသို့ငွေသားများများစီးဆင်းလာပေမည်။

သို့ရာတွင် လက်ရှိအခြေအနေ၌ အာရက္ခလူ့အဖွဲ့အစည်းသည် ထုတ်ကုန်မဲ့၊ ထုတ်ကုန်နည်းပါးသောလူ့ဘောင်ဖြစ်နေပေသည်။

ဤသို့ဖြင့် ငွေသားသည်ပင်လျှင် အာရက္ခဒေသထဲ၌ ကုန်ဖလှယ်ရာတွင် ကြားခံကိရိယာအဖြစ်မှကုန်ပစ္စည်းသဘောမျိုးဘက်ကို စိုးရိမ်စရာကောင်းစွာ ရော က်ရှိလာသည်ကို တွေ့ရပေသည်။

အာရက္ခဒေသတွင် ဟောင်းနွမ်းငွေစက္ကူများကို ဆက်လက်အသုံးပြုကြရန် အာရက္ခပြည်သူ့တော်လှန်ရေးအစိုးရကညွှန်ကြားထားပြီးငွေသားစီးဆင်းမှုများ အရင်လိုမလည်ပတ်သဖြင့် ငွေစက္ကူဟောင်းလာလျှင် မယူချင်ကြဟု အာရက္ခပြည်သူများက ဆိုကြသည်။

အာရက္ခဒေသတွင် ငွေသားပြတ်လပ်လာပြီး ငွေတသိိန်းအား တသောင်းသုံးထောင်ကျပ်ထိပေးကာ ထုတ်ယူနေကြရပြီး ယခင်က ငွေလွှဲခမှာ တသိန်းကိုငါးရာကျပ်သာရှိသော်လည်း ငွေသားရှားပါးနေသဖြင့် ငွေလာလွှဲသူကိုပြန်၍ ခုနှစ်ရာနှုန်းပေးကြရသည်ဟု ငွေလွှဲပြုလုပ်နေကြသူများက ဆိုကြသည်။

ထိုကြောင့်အာရက္ခဒေသ၏ငွေသားလိုအပ်ချက်များကိုဖြည့်ဆည်းရန်အတွက်ငွေသားကိုငွေသားဖြင့်ဝယ်ယူပြီးတရားမဝင်သယ်ဆောင်ယူနေကြရပေသည်။

ထိုကဲ့သို့ ရန်ကုန်မှ အာရက္ခဒေသသို့ သယ်ယူလာသော ငွေသားကျပ်သိန်းပေါင်းခြောက်သောင်းနှင့်အတူ လူနှစ်ဆယ်ဦးခန့်သည် ဧရာဝတီတိုင်း၊ ချောင်းသာကမ်းခြေတွင် အဖမ်းခံခဲ့ကြရဖူးပေသည်။

ထို့ကြောင့် အာရက္ခဒေသတွင် ငွေသားထုတ်ယူရာတွင် တဆယ့်ခုနှစ်ရာနှုန်းထိပေးနေရပြီး အာရက္ခဒေသတွင် ဘဏ်စနစ်ပြိုလဲပျက်စီးသွားပြီး ငွေသားအရှားပါးဆုံးအခြေအနေကိုကြုံတွေ့နေကြရသည်ဟု အာရက္ခပြည်သူများက ဆိုကြသည်။

ယင်းကြောင့် ဟောင်းနွမ်းငွေစက္ကူများကို လျော့ဈေးပေးလိုက်ဝယ်သည့်ဈေး ကွက်ပေါ်လာပြီး တသောင်းတန််အဟောင်းအား ခုနှစ်ထောင်ငါးရာကျပ်ဖြင့်ဝယ်နေကြသည်ဟု အာရက္ခပြည်သူများက ဆိုကြသည်။

ထိုဟောင်းနွမ်းငွေစက္ကူများမသုံးလျှင် အရေးယူမည်ဟု အာရက္ခပြည်သူ့တော်လှန်ရေးအစိုးရက သတိပေးချက်ထားပြန်ထားသော်လည်း လိုက်နာမှုအားန ည်းကြသကဲ့သို့ ဘဏ်စနစ်မလည်ပတ်၊ ငွေစက္ကူရှားပါးမှုရှိနေပြီး ငွေစက္ကူတွင်အစွန်းအထင်းများပါလျှင်လက်မခံကြသဖြင့် အာရက္ခပြည်သူ့တော်လှန်ရေးအစိုးရမှအာမခံချက်ရှိရှိငွေလှဲလှယ်ပေးသင့်ကြောင်း အာရက္ခပြည်သူများက ဆိုကြသည်။

ထိုငွေစက္ကူအဟောင်းများကို လူအများကလက်မခံကြသဖြင့်သာမန်ပြည်သူများ အခက်အခဲဖြစ်နေကြသည်ဟုအာရက္ခပြည်သူများက ဆိုကြသည်။

ထိုအပြင် အာရက္ခဒေသတွင် ဆက်သွယ်ရေးဖုန်းလိုင်း၊ အင်တာနက်လိုင်းများဖြတ်တောက်ခံထားရခြင်းကလည်း အရပ်သားပြည်သူလူထု၏ငွေလွှဲ၊ ငွေထုတ်ခြင်းကို ပိုမိုခက်ခဲစေပြီး အာဏာလုပ်ပိုင်ခွင့်ရှိသူများ၊ သူတို့နှင့်နီးစပ်သူများကိုသာ ပိုမိုအဆင်ပြေသွားစေသည်ဟုလည်း အာရက္ခပြည်သူများက ဆိုကြသည်။

ထို့ကြောင့် အာရက္ခပြည်သူ့တော်လှန် ရေးအစိုးရတွင် ဘဏ်အဆင့်မဟုတ်လျှင်တောင် ငွေသားကုန်ခမ်းပြတ်မှုကို ဖြေရှင်းရန် ငွေသားသိုလှောင်ထားနိုင်မှုနှင့်ထိုသိုလှောင်ထားသောငွေကြေးအား ပြည်သူလူထုထံအပံ့အပိုးပေးနိုင်သောဒေသန္တရယန္တရားများတည်ဆော က်နိုင်မည်လား။

အိန္ဒိယ၊ ဘင်္ဂလားဒေ့ရှ်နှင့်ကုန်စည်ဖလှ ယ်နိုင်သောဈေးကွက် ဖြစ်လာနိုင်မည်လား။

အာရက္ခဒေသတွင်း ကုန်ထုတ်လုပ်မှုနှင့် ပြည်တွင်းဝယ်လိုအားမြင့်မားမှုကိုဆောင်ရွက်နိုင်မည်လား ဟူသောမေးခွန်းများဖြစ်ပေသည်။

အာရက္ခဒေသ၏ လက်ရှိစီးပွားရေးဆို င်ရာလုပ်ရပ်များတွင် အာရက္ခပြည်သူ့တော်လှန်ရေးအစိုးရသည် ကုန်ပစ္စည်းတခုချင်းစီ၏ သွင်းအားစုများဖြစ်သောငွေကြေး၊ လုပ်အား၊ နည်းပညာ၊ ကုန်ကြမ်းပစ္စည်း၊ ကုန်ထုတ်ပစ္စည်းကိရိယာ၊ သယ်ယူပို့ဆောင်ရေး၊ ဈေးကွက်အပေါ်တွင် အရင်းအနှီးအပံ့အပိုးမည်မျှရှိပါသနည်းဆိုသောအချက်များက အာရက္ခပြည်သူများ၏ စားဝတ်နေရေးကို အဖြေပေးပေလိမ့်မည်။