Border News Agency
မောင်တော၊ နိုဝင်ဘာ ၁၉
ရိုဟင်ဂျာတွေအပေါ် လူမျိုးတုံးသတ်ဖြတ်မှု ကျူးလွန်ခဲ့တဲ့အတွက် မြန်မာ နိုင်ငံမှာတာဝန်ရှိတယ်လို့ နိုဝင်ဘာလ ၁၉ ရက်၊ဒီနေ့ အပြည်ပြည်ဆိုင်ရာတ ရားရုံး(ICJ)က ဆုံးဖြတ်လိုက်ပါတယ်။
အဲဒီမောင်တော၊ဘူးသီးတောင်၊ရသေ့တောင်သုံးမြို့နယ်မှာ ၂၀၁၇ ခုနှစ်ကမြန်မာစစ်တပ်ရဲ့နယ်မြေရှင်းလင်းရေးစစ်ဆင်ရေးတွေဟာ ၁၉၄၈ ခုနှစ် လူမျိုးတုံးသတ်ဖြတ်မှု တားဆီးရေးနဲ့ အပြစ်ပေးရေး သဘောတူစာချုပ်ပါ ပြဋ္ဌာန်းချက်တွေကို ချိုးဖောက်ခဲ့တယ်လို့ တရားရုံးကဆုံးဖြတ်လိုက်ပါတယ်။
အဲဒီမြန်မာစစ်တပ်ရဲ့ လုပ်ရပ်တွေဟာ သာမန်အကြမ်းဖက်နှိမ်နင်းရေး စစ်ဆင်ရေးထက် ကျော်လွန်ပြီး ရိုဟင်ဂျာ လူမျိုးစုတစုလုံးကိုဖြစ်စေ၊တစိတ်တပိုင်းကိုဖြစ်စေ ဖျက်ဆီးပစ်လိုတဲ့ “တိကျတဲ့ ရည်ရွယ်ချက်” (Specific Intent) ရှိခဲ့တယ်လို့ အပြည်ပြည်ဆိုင်ရာတရားရုံးက အတည်ပြုခဲ့ပါတယ်။
အဲဒီလိုဆုံးဖြတ်ရာမှာ အစုလိုက်အပြုံလိုက် သတ်ဖြတ်မှုတွေ၊အမျိုးသမီးနဲ့ ကလေးသူငယ်တွေအပေါ် ကျူးလွန်တဲ့ လိင်ပိုင်းဆိုင်ရာ အကြမ်းဖက်မှုတွေနဲ့ ကျေးရွာတွေကို စနစ်တကျ မီးရှို့ဖျက်ဆီးမှုတွေကို အဓိကသက်သေတွေအ ဖြစ်ထည့်သွင်းသုံးသပ်ခဲ့တာဖြစ်ပါတယ်။
အဲဒီမောင်တော၊ဘူးသီးတောင်၊ရသေ့တောင်စတဲ့သုံးမြို့နယ်မှာ မြန်မာစစ်တပ်ရဲ့ ၂၀၁၇ ခုနှစ် နယ်မြေရှင်းလင်းရေး စစ်ဆင်ရေးများမှာရိုဟင်ဂျာတသောင်းကျော်သတ်ဖြတ်ခံခဲ့ရတယ်လို့ အပြည်ပြည်ဆိုင်ရာတရားရုံးဥက္ကဋ္ဌ ယူဂျီ အီဝါဆာဝါက ထုတ်ဖော်ပြောပါတယ်။








