Border News Agency
လောင်းလုံး၊ နိုဝင်ဘာ ၃။
ထားဝယ်ခရိုင်၊ လောင်းလုံးမြို့နယ်ရှိ ကျေးရွာတွေကို စစ်ကြောင်းထိုးလာတဲ့စစ်ကော်မရှင်တပ်ဖွဲ့ဝင်တွေကို တော်လှန်ရေးတပ်တွေတိုက်ခိုက်ရာ စစ်ကော်မရှင်တပ်ဖွဲ့ဝင်ရှစ်ဦးသေဆုံးခဲ့တယ်လို့ လောင်းလုံးမြို့နယ်ပြည်သူ့ကာကွယ်ရေးတပ်ဖွဲ့မှ နိုဝင်ဘာလ ၃ ရက်၊ ဒီနေ့ထုတ်ပြန်ပါတယ်။
လောင်းလုံးမြို့နယ်၊ မောင်းမကန်ကျေးရွာမှ ကရင်ကြီးရွာဖက်ကို ပြီးခဲ့တဲ့အောက်တိုဘာလ ၂၁ ရက်နေ့က စစ်ကော်မ ရှင်တပ်အင်အားခုနှစ်ဆယ်ကျော်နဲ့ စစ်ကြောင်းထိုးလာတာမို့ တော်လှန်ရေးတပ်တွေတိုက်ခိုက်ခဲ့တယ်လို့ဆိုပါတယ်။
အဲဒီတိုက်ပွဲမှာ စစ်ကော်မရှင်တပ်ဖွဲ့ဝင်ရှစ်ဦးသေဆုံးပြီး အများအပြားဒဏ်ရာရသွားခဲ့သလို တော်လှန်ရေးရဲဘော်တဦးလည်း ဒဏ်ရာရခဲ့တယ်လို့ ဆိုပါတယ်။
အဲဒီစစ်ကော်မရှင်စစ်ကြောင်းကို လောင်းလုံးပကဖ-ထားဝယ်ခရိုင်တပ်ပေါင်းစု၊ ဒေါနတပ်ရင်း-တပ်ခွဲ-၇ (LPF)၊ ဒေါနတပ်ရင်း-တပ်ခွဲ-၄(KBDF)၊ ရာမညမွန်တပ်တော်၊ (DNLA)ဒူရကစစ်ကြောင်းနဲ့ မဟာမိတ်တပ်ဖွဲ့တွေ ပေါင်းတိုက်ခဲ့တယ်လို့ ဆိုပါတယ်။
အဲဒီစစ်ကြောင်းက စစ်ကော်မရှင်တပ်သားတချို့ဟာ ကမ်းပနီကျေးရွာနဲ့ပညစ်ကျေးရွာကြားကသိကြားမင်းထိုင်တောင်ပေါ်ကိုရောက်လာတာကြောင့် တော်လှန်ရေးပူးပေါင်းတပ်ဖွဲ့တွေကဒရုန်းတွေနဲ့ဆက်တိုက်ခဲ့တယ်လို့ ဆိုပါတယ်။
အဲဒီဒရုန်းတိုက်ခိုက်မှုကို လောင်းလုံးပကဖ-ထားဝယ်ခရိုင်၊ တပ်ပေါင်းစုဒေါနတပ်ရင်း-တပ်ခွဲ – ၇(LPF)၊ ဒေါနတပ်ရင်း – တပ်ခွဲ – ၄(KBDF)၊ ရာမညမွန်တပ်တော်၊(DNLA) ဒူရကစစ်ကြောင်းနဲ့လောင်းလုံးသံမဏိလိပ်ပြာတပ်ဖွဲ့ပေါင်းတိုက်ခဲ့တယ်လို့ ဆိုပါတယ်။
