Border News Agency
မြောက်ဦး၊ ဇန်နဝါရီ ၂၇။
အာရက္ခတပ်တော်ထိန်းချုပ်နယ်မြေမှာ ယာဉ်တွေလိုက်နာရမယ့် စည်းကမ်းချက်တွေနဲ့ ယာဉ်မောင်းတွေလိုက်နာရမယ့်စည်းကမ်းချက်တွေကို အာရက္ခအစိုးပြည်သူ့တော်လှန်ရေးအစိုးရက အသိပေးထုတ်ပြန်လိုက်ပါတယ်။
အဲဒီအာရက္ခအစိုးရက ယာဉ်တွေလိုက်နာရမယ့် စည်းကမ်းချက် ဆယ်ချက်နဲ့ ယာဉ်မောင်းတွေ လိုက်နာရမယ့်စည်းကမ်းချက် ဆယ့်ကိုးချက်ကို အသိပေးထုတ်ပြန်လိုက်တာဖြစ်ပါတယ်။
အဲဒီ လမ်းမပေါ်မှာသွားလာနေကြတဲ့ ကားစက်ပစ္စည်းအကုန်ကောင်းတာတွေ၊ထော်လာဂျီစက်ပစ္စည်းအကုန်ကောင်းတာတွေ၊သုံးဘီးစက်ပစ္စည်းအကုန်ကောင်းတာတွေ၊ဆိုင်ကယ်ပစ္စည်းအကုန်ကောင်းတာတွေ ပါရှိရမယ်လို့ ဆိုပါတယ်။
အဲဒီလမ်းမပေါ်မှာသွားလာနေကြတဲ့ စက်တပ်ယာဉ်တွေဟာ အာရက္ခဒေသအတွင်း မောင်းနှင်ခွင့်ပြုတဲ့ ယာဉ်လိုင်စင် ပြုလုပ်ရမှာဖြစ်ပြီး ပို့ဆောင်ရေးဌာနမှ သတ်မှတ်ပေးထားတဲ့ ယာဉ်နံပါတ်ပြားတွေကိုသာ တပ်ဆင်ရမှာလို့ ဆိုပါတယ်။
အဲဒီအပြင် ခရီးသည်တင်ယာဉ်တွေအကုန်လုံး သတ်မှတ်ထားတဲ့နေရာမှာဘဲ လူတင်၊ လူချတာတွေပြုလုပ်ရမှာဖြစ်ပြီး ဂိတ်မဟုတ်တဲ့ မြို့တွင်းတွေမှာ ဖြတ်သန်းသွားလာရင် လူတင်၊ လူချတာကို လုံးဝမပြုလုပ်ရလို့ ဆိုပါတယ်။
အဲဒီယာဉ်မောင်းတွေလိုက်နာရမယ့်စည်းကမ်းချက်တွေဟာ ယာဉ်မောင်းသူတိုင်း သက်ဆိုင်ရာယာဉ်အမျိုးအစားအလိုက် မောင်းနှင်ခွင့်ပြုတဲ့ လိုင်စင်ရှိရမှာဖြစ်ပြီး အသက်ဆယ့်ရှစ်နှစ် မပြည့်သူတွေ ယာဉ်မောင်းနှင်တာတွေ မပြုလုပ်ရဘူးလို့ ဆိုပါတယ်။
အဲဒီအပြင် ထိုင်ခုံခါးပတ်မပါဘဲ ကားမောင်းရတာတွေ၊ဆိုင်ကယ်စီးရင်လည်း ဦးထုတ်မဆောင်းဘဲ ဆိုင်ကယ်မမောင်းရတာတွေနဲ့ လိုက်ပါစီးနင်းသူတွေလည်း ဆိုင်ကယ်စီးရင် ဦးထုတ်ဆောင်းရမှာ ဖြစ်တယ်လို့ ဆိုပါတယ်။
နောက်ပြီး စက်ဘီးစီးဦးထုတ်မဆောင်းဘဲ စက်ဘီးမမောင်းရသလို ကျောင်း၊ ဆေးရုံ မီးသတ်ဌာနအဝင်ဝတွေ၊ မီးသတ်စခန်း၊ မီးသတ်ပိုက်ခေါင်း၊ မီးသတ်ရေလှောင်ကန်နဲ့ ၇ မီတာအတွင်းမရပ်ရဘူးလို့လည်း ဆိုပါတယ်။
အဲဒီစည်းကမ်းချက်တွေကို လိုက်နာမှုမရှိဘဲ ဖောက်ဖျက်ပါက သက်ဆိုင်ရာ ယာဉ်စည်းကမ်း၊ လမ်းစည်းကမ်းတွေနဲ့အညီ အရေးယူ ဆောင်ရွက်လားမယ်လို့ ဆိုပါတယ်။
အာရက္ခဒေသအတွင်း ပြည်သူတွေအနေနဲ့လည်း စည်းကမ်းချက်တွေကို ပူးပေါင်းလိုက်နာဆောင်ရွက်ပေးကြဖို့ကိုလည်း အာရက္ခပြည်သူ့တော်လှန်ရေးအစိုးရက တိုက်တွန်းထားပါတယ်။
