Border News Agency
မန္တလေး၊စက်တင်ဘာ ၂၁။
မန္တလေးတိုင်း၊ သာစည်မြို့နယ်နဲ့ ရှမ်းပြည်၊ လားရှိုးမြို့တို့မှာ သီးခြားစီစစ်ဆေးဖမ်းဆီးမှုတွေအတွင်း စာစုစုပေါင်းကာလတန်ဖိုးငွေကျပ်သိန်းတထောင်ရှစ်ရာကျော်တန်ဖိုးရှိ မူးယစ်ဆေးဝါးမျိုးစုံကို ဖမ်းဆီးရမိခဲ့တယ်လို့ မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့က စက်တင်ဘာလ ၂၁ ရက်၊ဒီနေ့ထုတ်ပြန်ပါတယ်။
အဲဒီသာစည်မြို့နယ်၊ ကျွဲတပ်ဆုံကျေးရွာအနီးမှာ တောင်ကြီးမှပဲခူးသို့မောင်းနှင်လာတဲ့ ခရီးသည်တင်မော်တော်ယာဉ်ကို ရပ်တန့်စစ်ဆေးစဉ်အသက်သုံးဆယ်တနှစ်အရွယ် မမူစန်းအေးဆီမှ ဒေသကာလတန်ဖိုးငွေကျပ်သိန်းနှစ်ရာတန်ဖိုးရှိ စိတ်ကြွဆေးပြားတသောင်းပြားနဲ့ လက်ကိုင်ဖုန်းတလုံးတို့ သိမ်းဆည်းရမိခဲ့တာပါ။
အဲဒီအပြင် လားရှိုးမြို့၊ ရပ်ကွက် ၁၂ ရှိ အသက်ခြောက်ဆယ်လေးနှစ်အရွယ်စိုင်းရွှေအောင်နဲ့ အသက်ခြောက်ဆယ်အရွယ် မနန်းအုန်းကြည်တို့ကိုတွေ့ရှိခဲ့ပြီး နေအိမ်အတွင်းမှ ကာလတန်ဖိုးငွေကျပ်သိန်းတထောင်ခြောက်ရာနှစ်ဆယ့်ငါးသိန်းကျော်တန်ဖိုးရှိ မူးယစ်ဆေးဝါးမျိုးစုံသိမ်းဆည်းရမိခဲ့ပါတယ်။
လားရှိုးမှာဖမ်းဆီးရမိခဲ့တဲ့ မူးယစ်ဆေးဝါးတွေထဲမှာ ဘိန်းဖြူငါးဂရမ်၊ စိတ်ပြောင်းဆေးဝါး Happy Water နှစ် ဒသမကိုးကီလို၊ အိုက်စ်ကိုးရာဂရမ်၊ အက်တက်စီဆေးပြားငါးရာပြားနဲ့ Happy Water ပြုလုပ်ရာမှာအသုံးပြုတဲ့ အမှုန့်သုံးရာခြောက်ဆယ်ဂရမ်တို့အပါအဝင် မူးယစ်ဆေးပြုလုပ်တဲ့ ဆက်စပ်ပစ္စည်းတွေပါဝင်တာပါ။
အဲဒီမူယစ်ဆေးဝါးတွေနဲ့အတူ ဖမ်းဆီးရမိသူမမူစန်းအေးကို သာစည်မြို့မရဲစခန်းမှာအမှုဖွင့်ထားပြီး စိုင်းရွှေအောင်နဲ့ မနန်းအုန်းကြည်တို့ကို လားရှိုးနယ်မြေရဲစခန်းမှာမူးယစ်ဆေးဝါးနဲ့ စိတ်ကိုပြောင်းလဲစေသောဆေးဝါးဆိုင်ရာဥပဒေအရအရေးယူထားပါတယ်။
