Border News Agency
ထိုင်း၊ နိုဝင်ဘာ ၄။
မြန်မာနိုင်ငံမှာမူးယစ်ဆေးဝါး ပြစ်မှုကျူးလွန်ပြီးထွက်ပြေးတိမ်းရှောင်နေသူ တဦးကို ထိုင်းနိုင်ငံကဖမ်းဆီးရမိခဲ့တာကြောင့် နိုဝင်ဘာလ ၄ ရက်၊ဒီနေ့မှာဘန်ကောက်မြို့ သုဝဏ္ဏဘူမိ လေဆိပ်ကနေတဆင့်ပြန်လည်လွှဲပြောင်းပေးခဲ့ပါတယ်။
ပြီးခဲ့တဲ့ ဇန်နဝါရီလ ၁ရက်နေ့က သာစည်မြို့နယ်၊ကျွဲတပ်ဆုံကျေးရွာအနီးမှာ ကျပ် ကိုးဘီလီယံကျော် တန်ဖိုးရှိ စိတ်ကြွဆေးပြားငါးဆယ်ခြောက်သိန်းနဲ့အတူ ပါဝင်ပတ်သက်သူ တရားခံတွေကို ဖမ်းဆီးရမိခဲ့တာ ဖြစ်ပါတယ်။
အဲဒီမူးယစ်မှောင်ခိုဂိုဏ်းကို အဓိက စီမံခန့်ခွဲသူ ချမ်းအေးသာစံမြို့နယ်မှ အသက်လေးဆယ်နှစ်နှစ်အရွယ် အောင်ဇော်မင်းခန့် ဆိုသူဟာ ထိုင်းနိုင်ငံ ဘန်ကောက်မြို့ဆီ ထွက်ပြေးတိမ်းရှောင်သွားခဲ့တာပါ။
အဲဒီနောက် ထိုင်းနိုင်ငံ မူးယစ်ဆေးဝါးထိန်းချုပ်ရေးအဖွဲ့ (ONCB) နဲ့ လူဝင်မှုကြီးကြပ်ရေး ပူးပေါင်းအဖွဲ့က နိုဝင်ဘာလ ၃ နေ့မှာ သူ့ကို ဖမ်းဆီးရမိခဲ့ပြီး မြန်မာနိုင်ငံ မူးယစ်ဆေးဝါးတားဆီးနှိမ်နင်းရေး ရဲတပ်ဖွဲ့ဆီ လွှဲပြောင်းပေးခဲ့တာ ဖြစ်ပါတယ်။
အဲဒီအပြင်မြန်မာနိုင်ငံဘက်ကလည်း ၂၀၂၆ ခုနှစ်အတွင်း ထိုင်းနိုင်ငံမှ မူးယစ်တရားခံပြေး ဆယ့်နှစ်ဦးနဲ့ အင်ဒိုနီးရှားနိုင်ငံမှ မူးယစ်တရားခံပြေး တဦးတို့ကို သက်ဆိုင်ရာ နိုင်ငံအသီးသီးဆီ ပြန်လည်လွှဲပြောင်းပေးခဲ့တယ်လို့ CCDAC ကထုတ်ပြန်ထားပါတယ်။
