စစ်ဘေးရှောင်အမျိုးသမီးတွေ အကူအညီတွေ လိုအပ်နေ
Border News Agency
မောင်တော၊နိုဝင်ဘာ ၁၇။
အာရက္ခပြည်သူ့တော်လှန်ရေးအစိုးရထိန်းချုပ်နယ်မြေရှိ စစ်ဘေးရှောင်အမျိုး သမီးတွေ ဝင်ငွေရမယ့်အလုပ်တွေ လုပ်နိုင်ဖို့အတွက် သက်မွေးပညာသင်တန်းတွေအပြင် အဝတ်ချုပ်စက်တွေလည်း ထောက်ပံ့ပေးဖို့ လိုအပ်နေကြတယ်လို့ စစ်ဘေးရှောင်အမျိုးသမီးတွေက ဆိုကြပါတယ်။
စစ်ဘေးရှောင်အမျိုးသမီးတွေဟာ အကူအညီတွေမရကြတာမို့ ကြုံရာကျဘ န်းလုပ်ပြီး စားဝတ်နေရေးကို ခက်ခက်ခဲခဲဖြေရှင်းနေကြရပေမယ့် ပစ္စည်းတွေရှားပါးစျေးကြီးနေတာမို့ အခက်ခဲဆုံးအခြေအနေတွေကို ရင်ဆိုင်နေကြရတယ်လို့ စစ်ဘေးရှောင်အမျိုးသမီးတွေက ဆိုကြပါတယ်။
အဲဒီလိုအခြေအနေတွေကို ရင်ဆိုင်ကျော်ဖြတ်ဖို့ သက်မွေးပညာသင်တန်းတွေ၊အလုပ်လုပ်ဖို့အတွက် လိုအပ်တဲ့ပစ္စည်းကိရိယာတွေကို နိုင်ငံတကာအသိုင်းအ ဝိုင်းက ထောက်ပံ့ကူညီပေးကြဖို့လိုအပ်နေကြတယ်လို့ စစ်ဘေးရှောင်အမျိုးသ မီးတွေက ဆိုကြပါတယ်။
“တချို့ကစက်ချုပ်တတ်ကြပါတယ်။စက်ချုပ်ချင်ကြပေမယ့်စက်မဝယ်နိုင်ကြပါဘူး။အဝတ်တထည်နဲ့အသက်လုထွက်ပြေးလာကြတော့ ဘာမှပါမလာပါဘူး။စစ်ဘေးရှောင်တွေကိုအလုပ်လုပ်ပြီးဝင်ငွေရမယ့်သင်တန်းတွေ၊အ လုပ်လုပ်နိုင်မယ့်ပစ္စည်းတွေထောက်ပံ့ပေးကြစေချင်ပါတယ်။”လို့ မောင်တောမြို့နယ်မှစစ်ဘေးရှောင်အမျိုးသမီးတစ်ဦးက Border News Agency သို့ ပြောပါတယ်။
အာရက္ခပြည်သူ့တော်လှန်ရေးအစိုးရထိန်းချုပ်နယ်မြေမှာ စစ်ဘေးရှောင်အမျိုး သမီးတွေအပါအဝင် ၂၀၁၂ ကတည်းကရှိနေကြတဲ့ဒုက္ခသည်အမျိုးသမီးတွေလည်းရှိနေကြတာမို့ အမျိုးသမီးတွေအတွက်သက်မွေးသင်တန်းတွေ၊အလုပ်လုပ်နိုင်မယ့်ပစ္သည်းတွေကို မဖြစ်မနေထောက်ပံ့ကူညီပေးကြဖို့ လိုအပ်နေတယ်လို့ စစ်ဘေးရှောင်အမျိုးသမီးတွေက ဆိုကြပါတယ်။
အဲဒီအထဲမှာ လမ်းပန်းဆက်သွယ်ရေးခက်ခဲပြီး ဝေးလံခေါင်းပါးတဲ့နေရာတွေရှိစစ်ဘေးရှောင်အမျိုးသမီးတွေ၊လူနည်းစုစစ်ဘေးရှောင်အမျိုးသမီးတွေ၊မသန် စွမ်းစစ်ဘေးရှောင်အမျိုးသမီးတွေ၊မွတ်ဆလင်စစ်ဘေးရှောင်အမျိုးသမီးတွေဟာ ပိုမိုခက်ခဲကြပ်တည်နေကြတယ်လို့ ဆိုကြပါတယ်။
အဲဒီအပြင် စားဝတ်နေရေး၊ကျန်းမာရေးစတာတွေအတွက်လည်း အကူအညီတွေမရကြတာမို့ စစ်ဘေးရှောင်အမျိုးသမီးတွေရဲ့နေ့စဥ်ဘဝတွေကို ရင်ဆိုင်ဖြေရှင်းဖို့အတွက် သက်မွေးသင်တန်းတွေ၊ပစ္စည်းကရိယာတွေဟာ မဖြစ်မနေလိုအပ်နေကြတယ်လို့ စစ်ဘေးရှောင်အမျိုးသမီးတွေက ဆိုကြပါတယ်။
“အိမ်တွင်းမှုသက်မွေးသင်တန်းတွေလို အပ်နေတာပါ။စိုက်ပျိုးရေး၊မွေးမြူရေး၊တခြားဝင်ငွေရမယ့်အလုပ်တွေအတွက်သင်တန်းတွေ၊ပစ္စည်းတွေလိုအပ်နေကြတာပါ။နိုင်ငံတကာကကူညီပေးကြစေချင်ပါတယ်။”လို့ ရသေ့တောင်မြို့ နယ်၊မယူကမ်းဒေသမှစစ်ဘေးရှောင်အမျိုးသမီးတစ်ဦးမှBorder News Agency သို့ ပြောပါတယ်။
အာရက္ခအဆုံးအဖြတ်စစ်ပွဲစတင်းကတည်းက စစ်ကောင်စီတပ်က အာရက္ခဒေ သရှိ ကုန်းလမ်း၊ရေလမ်းအားလုံးကို ပိတ်ဆို့ထားသလို နိုင်ငံတကာလူသားချင်းစာနာထောက်ထားမှုဆိုင်ရာအကူအညီပေးရေးအဖွဲ့တွေကိုလည်း တားမြစ်ကန့်သတ်ထားတာမို့ စစ်ဘေးရှောင်အမျိုးသမီးတွေ အကူအညီတွေ မရကြဘူးလို့ စစ်ဘေးရှောင်တွေက ဆိုကြပါတယ်။
အဲဒါကြောင့် အမျိုးသမီးငယ်တွေပညာသင်ကြားခွင့်တွေ၊အမျိုးသမီးလစဥ်သုံးပစ္စည်းတွေ၊ကိုယ်ဝန်ဆောင်အမျိုး သမီးတွေကျန်းမာရေးစောင့်ရှောက်မှုတွေ၊မသန်စွမ်းအမျိုးသမီးတွေအတွက်ပြန်လည်သန်စွမ်းရေးအထောက်အပံ့တွေအပါ အဝင်သက်ကြီးရွယ်အိုအမျိုးသမီးတွေအတွက် အကူအညီတွေ လိုအပ်နေကြတာလို့ စစ်ဘေးရှောင်အမျိုးသမီးတွေက ဆိုကြပါတယ်။
အာရက္ခအဆုံးအဖြတ်စစ်ပွဲမှာ အာရက္ခတပ်တော်(AA)က အိန္ဒိယနဲ့ဘင်္ဂလားဒေ့ရှ်နယ်စပ်တွေကို အပြီးသတ်သိမ်းပိုက်ထိန်းချုပ်ထားတာမို့ နယ်စပ်ဖြတ်ကျော် လူသားချင်းစာနာထောက်ထားမှုဆိုင်ရာအကူအညီတွေပေးနိုင်တာမို့ စစ်ဘေးရှောင်အမျိုးသမီးတွေ ရေရှည်ရပ်တည်ရေး၊ဝင်ငွေရရှိရေးတွေအတွက်ကူညီဖန်တီးပေးကြဖို့ စစ်ဘေးရှောင်အမျိုးသမီးတွေ တောင်းဆိုနေကြပါတယ်။
(ဓာတ်ပုံ-မောင်တောမြို့နယ်မှမွတ်ဆလင်စစ်ဘေးရှောင်အမျိုးသမီးတွေ/BNA)
