Border News Agency
အီရန်၊ မတ် ၂၄။
အီရန်တော်လှန်ရေးအစောင့်တပ် (IRGC) ဟာ အမေရိကန်သမ္မတ ဒေါ်နယ်ထရမ့်ရဲ့ ပုံကို ဒုံးကျည်တွေပေါ်မှာ ကပ်ပြီး “ဟော်မုဇ်ရေလက်ကြားဖွင့်ဖို့ ငါ့ကိုကူညီပါဦး” ဆိုတဲ့ စာသားနဲ့လှောင်ပြောင်ထားတဲ့ ဗီဒီယိုဖိုင်ကို ထုတ်ပြန်လိုက်ပါတယ်။
ဒါဟာ အီရန်ရဲ့ “True Promise 4” စစ်ဆင်ရေးရဲ့ ၇၆ ကြိမ်မြောက် တိုက်ခိုက်မှုဖြစ်ပြီး အရှေ့အလယ်ပိုင်းမှာရှိတဲ့ အမေရိကန်တပ်စခန်းတွေကို ပစ်မှတ်ထား တိုက်ခိုက်ခဲ့တာပါ။
အီရန်ရဲ့ ဒုံးကျည်စွမ်းပကားတွေ မရှိတော့ဘူးဆိုတဲ့ ထရမ့်ရဲ့ ပြောကြားချက်ဟာ အမေရိကန်နဲ့ အစ္စရေးတို့ရဲ့ အမှားကြီးမှားယွင်းတဲ့ တွက်ချက်မှုသာဖြစ်တယ်လို့ IRGC ပြောရေးဆိုခွင့်ရှိသူက ဆိုပါတယ်။
ဒီတိုက်ခိုက်မှုဟာ ဟော်မုဇ်ရေလက်ကြားကို ပြန်မဖွင့်ရင် အီရန်ရဲ့ လျှပ်စစ်ဓာတ်အားပေးစက်ရုံတွေကို ဗုံးကြဲမယ်ဆိုတဲ့ ထရမ့်ရဲ့ ၄၈ နာရီ ရာဇသံကို အီရန်ဘက်က ပြောင်ပြောင်တင်းတင်း ပြန်လည်စိန်ခေါ်လိုက်တာလည်း ဖြစ်ပါတယ်။
လက်ရှိမှာတော့ နှစ်ဖက်စလုံးက စစ်ရေးအရ အပြန်အလှန် ခြိမ်းခြောက်မှုတွေနဲ့ အခြေအနေကစိုးရိမ်စရာ ဖြစ်နေပါတယ်။
