Border News Agency
မင်းတပ်၊ ဧပြီ ၁၀။
အာရက္ခတပ်တော် (AA) ရဲ့ ၁၇ နှစ်ပြည့်နေ့မှာ ချင်းပြည်သူ့အစည်းအရုံး (CPU/CPA) က ဂုဏ်ပြုသဝဏ်လွှာ ပေးပို့လိုက်ပါတယ်။
AA ရဲ့ စစ်ရေးအောင်မြင်မှုတွေဟာ တနိုင်ငံလုံးကတော်လှန်ရေးအတွက် အခြေခံအုတ်မြစ်ပဲလို့ ဆိုပါတယ်။
ချင်းဒေသတိုက်ပွဲတွေမှာ AA က စစ်ရေး၊ နိုင်ငံရေးနဲ့ အုပ်ချုပ်ရေးပိုင်းတွေအထိ အဘက်ဘက်ကကူညီပေးခဲ့တာကြောင့် တကယ့်ကိုအားကိုးရတဲ့ အိမ်နီးချင်းကောင်းမဟာမိတ်ဖြစ်တယ်လို့ ကျေးဇူးတင်တယ်လို့ဆိုပါတယ်။
AA ဟာ အာရက္ခပြည်သူတွေအတွက်တင်မကဘဲ ချင်းလူမျိုးတွေအပါအဝင် ဖိနှိပ်ခံရသူအားလုံးလွတ်မြောက်ဖို့ပါ ကူညီပေးနေတာကို ဂုဏ်ယူမိတယ်လို့လည်း ဆိုပါတယ်။
ဘုံရန်သူဖြစ်တဲ့စစ်အာဏာရှင်စနစ်အမြစ်ပြတ်တဲ့အထိ ချင်းပြည်သူ့အစည်းအရုံးအနေနဲ့ AA နဲ့အတူ အဆုံးအထိလက်တွဲသွားမယ်လို့ကတိပြုလိုက်ပါတယ်။
နောက်ဆုံးမှာတော့ အာရက္ခအိပ်မက်တွေ အမြန်ဆုံးအောင်မြင်ပါစေကြောင်း ဆုတောင်းပေးထားပြီး ပေးဆပ်ခဲ့ကြတဲ့အာရက္ခစစ်သည်တော်တွေကိုလည်း လေးစားစွာဂုဏ်ပြုဦးညွှတ်ထားပါတယ်။
