Border News Agency
ရန်ကုန်၊ ဧပြီ ၂၂။
ဝက်တွေမှာ ဗိုင်းရပ်စ်ပိုးကြောင့် ဖြစ်ပွားပြီးကူးစက်မြန်တဲ့ အာဖရိကဝက်အပြင်းဖျားရောဂါကြောင့် ဝက်မွေးမြူရေး လုပ်ငန်းရှင်တွေအနေနဲ့ ကြိုတင်ကာကွယ်မှုတွေ လုပ်ဆောင်ကြဖို့ မွေးမြူရေးနဲ့ကုသရေးဦးစီးဌာနက လိုက်ပါတယ်။
အဲဒီရောဂါဟာ လူကိုကူးစက်တာ မရှိပေမယ့် ဝက်တွေမှာတော့ ကူးစက်ခံရရင် အစုလိုက်အပြုံလိုက် သေဆုံးနိုင်ပါတယ်။
ဒါကြောင့် ဝက်ခြံတွေကို ပိုးသတ်ဆေးဖြန်းတာ၊အခြားခြံက ပစ္စည်းတွေ ငှားရမ်းမသုံးတာနဲ့ အိမ်စားကြွင်းစားကျန်တွေကို ဝက်စာအဖြစ် မကျွေးဖို့ သတိပေးထားပါတယ်။
ဒါ့အပြင် ပြည်ပကနေ တရားမဝင် တင်သွင်းလာတဲ့ ဝက်အရှင်၊ဝက်သား၊ အေးခဲဝက်သားနဲ့ ဝက်အူချောင်း စတဲ့ ထုတ်ကုန်တွေကို တင်သွင်းတာ၊ရောင်းချတာနဲ့စားသုံးတာတွေမလုပ်ဖို့ သတိပေးထားပါတယ်။
မိမိတို့မွေးထားတဲ့ ဝက်တွေပုံမှန်မဟုတ်ဘဲ ရုတ်တရက် သေဆုံးတာမျိုး ရှိလာရင် နီးစပ်ရာ အုပ်ချုပ်ရေးအဖွဲ့နဲ့ မွေးမြူရေးဌာနတွေကို ချက်ချင်းသတင်းပို့ပြီး ရောဂါထိန်းချုပ်ရေးမှာ ပူးပေါင်းဆောင်ရွက်ပေးကြဖို့ နှိုးဆော်ထားပါတယ်။
