Border News Agency
မန္တလေး၊ ဧပြီ ၂၃။
မန္တလေးတိုင်း၊ မတ္တရာမြို့နယ်ပြည်သူ့ကာကွယ်ရေးအဖွဲ့ဟာ ခွင့်မဲ့နဲ့ခွင့်လွန်ရဲဘော်တွေကို လာမယ့်မေလ ၁ ရက်နေ့ နောက်ဆုံးထားပြီး တပ်ရင်းပြန်လာကြဖို့ဆင့်ခေါ်လိုက်ပါတယ်။
အာဏာရှင်စနစ်အပြီးတိုင်ချုပ်ငြိမ်းဖို့ အရေးပေါ်ကာလကိုရောက်ရှိနေတာမို့တပ်ဖွဲ့ဝင်တွေ အချိန်မီပြန်လည်တာဝန်ထမ်းဆောင်ကြဖို့ တိုက်တွန်းထားတာပါ။
အဲဒီလိုတာဝန်ပြန်မထမ်းဆောင်လိုတော့ရင်လည်း စစ်စည်းကမ်းအရပေးအပ်ထားတဲ့ လက်နက်ခဲယမ်းတွေကို စနစ်တကျ ပြန်လည်အပ်နှံပြီးမှသာ နုတ်ထွက်ခွင့်ပြုမယ်လို့ ဆိုပါတယ်။
ရန်သူ့ထံကူးပြောင်းတာ ဒါမှမဟုတ် တပ်ဖွဲ့ဝင်တွေကိုသွေးဆောင်ဖြားယောင်းခေါ်ထုတ်သွားတဲ့ ရဲဘော်ဟောင်းတွေကိုစစ်ရေးပစ်မှတ်အဖြစ်သတ်မှတ်ပြီး အရေးယူသွားမယ်လို့ ဆိုပါတယ်။
မတ္တရာပြည်သူ့ကာကွယ်ရေးတပ်ဟာခက်ခဲနေတဲ့ ရဲဘော်မိသားစုတွေကို ဆန်၊ ဆီနဲ့ရိက္ခာတွေ တတ်နိုင်သလောက်ထောက်ပံ့ပေးနေသလို အဆင်ပြေအောင်ကူညီပေးနေတယ်လို့ ဆိုပါတယ်။
