Border News Agency
မကွေး၊ ဧပြီ ၂၇။
မကွေးတိုင်း၊ ဆိပ်ဖြူမြို့နယ်ရှိ ရေပုတ်ကျေးရွာနဲ့ ဇီးဖြူကောင်းကျေးရွာမှ ပြည်သူနေအိမ်တွေကိုဧပြီလ ၂၅ ရက်နေ့မှာ စစ်ကော်မရှင်တပ်ဖွဲ့ဝင်တွေမီးရှို့ဖျက်ဆီးခဲ့တယ်လို့ သိရပါတယ်။
အဲဒီမီးရှို့မှုကို ဆိပ်ဖြူအခြေစိုက် ကပစ ၂၁ မှ အင်အား ၁၂၀ ခန့်ရှိတဲ့ ပူးပေါင်းစစ်ကြောင်းက လုပ်ခဲ့တာလို့ ပခုက္ကူခရိုင် တပ်ရင်းအမှတ် ၁၉ က ထုတ်ပြန်ပါတယ်။
အဲဒီ ကျေးရွာနှစ်ရွာကို စစ်ကော်မရှင်စစ်ကြောင်းတွေဝင်ရောက်ပြီးနောက် ရွယ်ရည်ချက်ရှိရှိမီးရှို့ခဲ့တာကြောင့် ဒေသခံပြည်သူ့နေအိမ် ၈၇ လုံး မီးလောင်ပျက်စီးခဲ့ရတယ်လို့ ဆိုပါတယ်။
အဲဒီလိုမီးရှို့ဖျက်ဆီးခဲ့တာကြောင့်ဒေသခံပြည်သူတွေဟာ နေအိမ်စွန့်ခွာထွက်ပြေးနေကြရပြီး လူသားချင်းစာနာထောက်ထားမှုဆိုင်ရာ အကူအညီတွေ လိုအပ်နေတယ်လို့ ဆိုပါတယ်။
အဲဒီစစ်ကြောင်းဟာ နယ်မြေအတွင်း ဆက်လက်လှုပ်ရှားနေဆဲဖြစ်တာကြောင့် ဒေသခံတွေအနေနဲ့ ဘေးလွတ်ရာမှာ ဆက်လက်ခိုလှုံနေကြရတယ်လို့လည်းဆိုပါတယ်။
