Border News Agency
ဆော၊မေ ၉။
မကွေးတိုင်း၊ဆောမြို့နယ်မှာ စတားလင့်အင်တာနက်ဝန်ဆောင်မှုပေးနေတဲ့ဆိုင်တွေဟာ မေလ ၇ ရက်နေ့ကစပြီး အင်တာနက်ဝန်ဆောင်မှုပေးတာကို ယာယီကန့်သတ်ဖို့မြို့နယ်ပြည်သူ့အုပ်ချုပ်ရေးအဖွဲ့(ပအဖ)က ညွှန်ကြားလိုက်ပါတယ်။
အဲဒီတာဝန်ရှိသူတွေ၊အွန်လိုင်းကျောင်းတက်သူတွေနဲ့ ရပ်ကျေးတာဝန်ခံတွေကလွှဲလို့အရပ်သားတွေကို စတားလင့်ဘောက်ချာကတ်ရောင်းပေးတာမျိုး လုံးဝမလုပ်ဖို့ တားမြစ်ထားတာပါ။
အဲဒီခွင့်ပြုထားတဲ့သူတွေကို ရောင်းပေးရင်လည်း ဝယ်သူရဲ့အမည်၊မှတ်ပုံတင်နဲ့ နေရပ်တွေကို သေချာမှတ်တမ်းတင်ထားရမှာဖြစ်သလို ခရီးသွားဧည့်သည်တွေကိုဘောက်ချာကတ်လုံးဝရောင်းချပေးလို့ မရဘူးလို့ဆိုပါတယ်။
တကယ်လို့ အရပ်သားတွေ အရေးပေါ်ဖုန်းဆက်ဖို့ လိုလာရင်လည်း ဆိုင်ရှင်ရဲ့ဖုန်းနဲ့ဆက်သွယ်ပေးရမှာဖြစ်ပြီးဘော က်ချာကတ်ပေးသုံးတာမျိုးမလုပ်ရဘူးလို့ ဆိုပါတယ်။
အဲဒီစည်းကမ်းတွေကို မလိုက်နာတဲ့ဆိုင်တွေကို စက်ပစ္စည်းသိမ်းဆည်းတဲ့အပြင် တခြားအရေးယူမှုတွေလုပ်သွားမယ်လို့ ဆိုပါတယ်။
အဲဒီဆောမြို့နယ်အပါအဝင် မြို့ပေါ်ကိုတော်လှန်ရေးတပ်တွေ ထိန်းချုပ်ထားပေမယ့် မြို့ပေါ်ရဲစခန်းမှာ အာဏာသိမ်းစစ်တပ်အပါအဝင်အုပ်ချုပ်ရေးအဖွဲ့တွေရှိနေပါသေးတယ်။
အဲဒီဆောမြို့နယ်ဟာ မကွေးနဲ့ချင်းပြည်ကြားလမ်းပန်းဆက်သွယ်ရေးအချက်အခြားနေရာဖြစ်သလို ကုန်သွယ်ရေး၊စစ်ရေးအရလည်းအရေးပါပါတယ်။
