Border News Agency
မင်းပြား၊ မေ ၉။
အာရက္ခတပ်တော်(AA)ထိန်းချုပ်ထားတဲ့ မင်းပြားမြို့နယ်ကို မေလ ၇ ရက်နေ့က အာဏာသိမ်းစစ်တပ်လေကြောင်းတိုက်ခိုက်ခဲ့တယ်လို့ အာရက္ခတပ်တော်ထုတ်ပြန်ပါတယ်။
အဲဒီမင်းပြားမြို့နယ်၊ကျောက်ခုတ်ကျေးရွာအရှေ့တောင်ဖက်ရှိ ကင်းမွန်ချောင်းဂျိုင်နဲ့အနီးအနားကျေးရွာတွေကို အာဏာသိမ်းစစ်တပ်ဟာ မိနစ်လေးဆယ်ကြာအောင် ရွယ်ရည်ချက်ရှိရှိတရစပ်လေကြောင်းတိုက်ခိုက်ခဲ့တယ်လို့ဆိုပါတယ်။
အဲဒီလို တိုက်ခိုက်ခဲ့တာကြောင့် အရပ် သားတွေ သေဆုံး၊ဒဏ်ရာရသူတွေရှိခဲ့သလို အဆောက်အအုံနဲ့ကျွဲနွားတွေလည်း ပျက်စီးဆုံးရှုံးခဲ့တယ်လို့ဆိုပါတယ်။
ဒါပေမယ့်သေဆုံးဒဏ်ရာရထိခိုက်ပျ က်စီးမှုအသေးစိတ်ကိုတော့ မထုတ်ပြန်သေးပါဘူး။
အဲဒီနေ့မှာ ကျောက်တော်မြို့နယ်၊သုံးခွအနီးကိုလည်း အာဏာသိမ်းစစ်တပ်လေကြောင်းတိုက်ခိုက်ခဲ့တာမို့ ကလေးငယ်တဦး၊အကျဉ်းထောင်ဆေးဝန်ထမ်းတဦးနဲ့အရပ်သားတဦးသေဆုံးပြီးဆယ်ဦးခန့်ဒဏ်ရာရသွားတယ်လို့ အာရက္ခတပ်တော်ထုတ်ပြန်ပါတယ်။
အဲဒီအပြင် ပြိုင်းချောင်းကျေးရွာသားပိုင်နွားခုနှစ်ကောင်လည်းသေဆုံးသွားတယ်လို့ဆိုပါတယ်။
အာရက္ခတပ်တော်ထိန်းချုပ်နယ်မြေတွေကို အာဏာသိမ်းစစ်တပ်က လေယာဥ်အုပ်စုလိုက်လာရောက်လေကြော င်းတိုက်ခိုက်တာတွေပိုမိုလုပ်နေတာမို့အရပ်သားပြည်သူတွေလည်း သေဆုံးဒဏ်ရာရနေကြပါတယ်။
