Border News Agency
ဂွ၊ မေ ၉။
အာရက္ခတပ်တော်(AA)ထိန်းချုပ်ထားတဲ့ ဂွမြို့နယ်၊ ကြွေချိုင်ကျေးရွာမှာ မသန်စွမ်းအမျိုးသမီးတဦးကို တရွာတည်းနေအမျိုးသားနှစ်ဦးအဓမ္မပြုကျင့်ခဲ့တာမို့ အာရက္ခတပ်တော်ဖမ်းဆီးလိုက်ပါတယ်။
အဲဒီကြွီချိုင်ကျေးရွာမှအသက် ၂၅ နှစ်အရွယ်အမျိုးသမီးကို တရွာတည်းသားတွေဖြစ်တဲ့ အသက်သုံးဆယ်ခုနှစ်အရွယ်ဦးငအောင်နဲ့ အသက်သုံးဆယ်ရှစ်နှစ်အရွယ်ဦးစည်သူဝင်းဟာ မေလ ၁ ရက်နေ့မှာအဓမ္မပြုကျင့်ခဲ့ကြတာပါ။
အဲဒါကို ကာယကံရှင်အမျိုးသမီးပြန်ပြောလို့ ရပ်ရွာလူကြီးတွေကတဆင့် သက်ဆိုင်ရာအုပ်ချုပ်ရေးအဖွဲ့ကိုအကြောင်းကြားပြီး ကျူးလွန်သူတွေကို ဖမ်းဆီးခဲ့တာပါ။
အဲဒီကျူးလွန်သူနှစ်ဦးကို အာရက္ခပြည်သူ့တော်လှန်ရေးအစိုးရရဲ့သက်ဆိုင်ရာဌာနကအမှုဖွင့်အရေးယူထားပါတယ်။
ပြီးခဲ့တဲ့ဧပြီလကလည်း မြောက်ဦးမြို့နယ်မှာ သက်ငယ်မုဒိမ်းမှုဖြစ်ပွားခဲ့ပြီး ကျူးလွန်သူကို ဖမ်းဆီးအရေးယူထားပါတယ်။
အာရက္ခတပ်တော်ထိန်းချုပ်နယ်မြေတွေမှာ မုဒိမ်းမှုတွေထပ်မဖြစ်အောင် အသိပညာပေးတာတွေလုပ်နေပေမယ့် ကျူးလွန်သူတွေရှိနေကြဆဲမို့ ကျူးလွန်သူတွေကို ထိထိရောက်ရောက်အရေးယူပေးဖို့ ပြည်သူတွေတောင်းဆိုနေကြပါတယ်။
