Border News Agency
နေပြည်တော်၊မေ ၁၁။
မြေလတ်အသံ(Myaelatt Athan)၊Red News Agency နဲ့ Asia Citizens သတင်းအေဂျင်စီကို အာဏာသိမ်းစစ်တပ်က ဥပဒေစည်းကမ်းတွေမလိုက်နာဘူးဆိုပြီး ပြီးခဲ့တဲ့ဧပြီလ၂၃ ရက်နေ့က လိုင်စင်တွေပိတ်သိမ်းလိုက်ပါတယ် ။
အဲဒီအေဂျင်စီတွေဟာ နိုင်ငံတော်လုံခြုံ ရေးကို ထိခိုက်စေမယ့်အကြောင်းအရာတွေ ရေးသားတယ်လို့ စစ်တပ်စွပ်စွဲထားတာပါ။
အဲဒါကြောင့် မီဒီယာအမျိုးအစားတခုခု ဒါမှမဟုတ် နည်းပညာတရပ်ရပ်ကိုသုံးပြီး သတင်းတွေ ဆက်မထုတ်လွှင့်ဖို့ တရားဝင်တားမြစ်ထားပါတယ်။
အဲဒါဟာ မြေပြင်အခြေအနေမှန်တွေ ကို သတင်းမတင်နိုင်အောင်လုပ်တာလို့ ဝေဖန်နေကြပါတယ်။
အဲဒီပိတ်သိမ်းခံရတဲ့သတင်းဌာနတွေဟာ ဒေသတွင်းသတင်းတွေနဲ့ ပြည်သူတွေရဲ့ အခက်အခဲတွေကို အဓိကတင် ပြနေကြတာပါ။
အာဏာသိမ်းစစ်တပ်ဟာ သတင်းစာနဲ့ သတင်းအေဂျင်စီငါးရာကျော်ကို လုပ်ငန်းခွင့်ပြုထားတယ်လို့ ထုတ်ပြန်ထားပါတယ်။
ဒါပေမယ့် သူတို့နဲ့ အဆင်မပြေတဲ့မီဒီယာတွေကို လိုင်စင်ပိတ်တာ၊ဖမ်းဆီး တာတွေဆက်လုပ်နေတာပါ။
သတင်းဌာနတွေကို လိုင်စင်ပိတ်သိမ်းလိုက်တာဟာ ပြည်သူတွေရဲ့ သတင်းသိပိုင်ခွင့်ကို ပိတ်ပင်လိုက်တာလို့ လူ့အခွင့်အရေး လှုပ်ရှားသူတွေက ထော က်ပြကြပါတယ်။
အာဏာသိမ်းပြီးနောက် မြန်မာနိုင်ငံဟာ မီဒီယာသမားတွေအတွက် အန္တရာယ်အများဆုံးနိုင်ငံဖြစ်နေဆဲဖြစ်ပါတယ်။
