Border News Agency
အမေရိကန်၊ မေ ၃၀။
အမေရိကန်သမ္မတဒေါ်နယ်ထရမ့်က အီရန်နဲ့ အပစ်အခတ်ရပ်စဲရေးတိုးချဲ့မယ့် သဘောတူညီချက်ကိုမကြာခင် ဆုံးဖြတ်တော့မယ်လို့ ပြောဆိုလိုက်ပြီး တပြိုင်နက်တည်းမှာပဲ ဟော်မုဇ်ရေလက်ကြားကို ပြန်ဖွင့်ပေးဖို့တောင်းဆိုလိုက်တယ်လို့ Reuters သတင်းမှာဖော်ပြပါတယ်။
အမေရိကန်နဲ့ အီရန်တို့ဟာ အပစ်အခတ်ရပ်စဲရေးကာလကို ရက်ပေါင်း ၆၀ အထိတိုးမြှင့်ထားပြီး နျူကလီးယားအစီအစဉ် ဆွေးနွေးမှုတွေစတင်နေပေမယ့် အဓိကကျတဲ့ကိစ္စရပ်တွေမှာတော့ နှစ်နိုင်ငံကြားသဘောထားကွဲလွဲမှုတွေ ရှိနေဆဲဖြစ်သလို ထရမ့်ရဲ့နောက်ဆုံးအတည်ပြုချက်လည်း လိုအပ်နေသေးတာ ဖြစ်တယ်။
အဲဒီရက် ၆၀ MoU သဘောတူညီချက်အထဲမှာ ဟော်မုဇ်ရေလက်ကြား ကန့်သတ်ချက်တွေကို ဖယ်ရှားဖို့ပါဝင်ပြီး အီရန်အနေနဲ့ ရက်ပေါင်း ၃၀ အတွင်းမှာ ရေလက်ကြားထဲက မိုင်းတွေအားလုံးကိုရှင်းလင်းပေးရမယ်လို့ အမေရိကန်အရာရှိတဦးကပြောပါတယ်။
ဒါ့အပြင်အမေရိကန်ဘက်ကလည်း ဟော်မုဇ်ရေလက်ကြားအတွင်းမှာ အခွန်ကောက်တာ ဒါမှမဟုတ် နှောင့်ယှက်တာမျိုးတွေမလုပ်ဘူးလို့ ဆိုထားပါတယ်။
အီရန်ဆိပ်ကမ်းတွေကိုပိတ်ဆို့ထားတဲ့ အမေရိကန်ရဲ့ပိတ်ဆို့မှုအားလုံးကို ပြန်လည်ဖယ်ရှားပေးဖို့ကိစ္စကတော့ ကုန်သွယ်ရေးသင်္ဘောတွေ ရေလက်ကြားထဲ ပြန်လည်ဖြတ်သန်းသွားလာနိုင်မှု အခြေအနေအပေါ်မှာပဲမူတည်ပြီး လုပ်ဆောင်သွားမှာဖြစ်တယ်လို့သိရပါတယ်။
