Border News Agency
မိုင်းလား၊ဇွန် ၁၈။
အာဏာသိမ်းစစ်တပ်ရဲ့ အမျိုးသားစည်းလုံးညီညွတ်ရေးနဲ့ ငြိမ်းချမ်းရေးဖော်ဆောင်မှုညှိနှိုင်းရေးကော်မတီ (NSPNC) ဥက္ကဋ္ဌဒုတိယရာပြည့်အဖွဲ့ဟာ မိုင်းလားကို သွားရောက်ဆွေးနွေးခဲ့တယ်လို့ ပြန်ကြားရေးဌာနက ထုတ်ပြန်ပါတယ်။
အဲဒီခရီးစဉ်ကို ဇွန်လ ၁၇ ရက်နေ့က သွားရောက်ခဲ့တာဖြစ်ပြီး မိုင်းလားအဖွဲ့နဲ့ ဦးထိန်လင်းဦးအဖွဲ့တွေ့ဆုံပြီး နယ်စပ်ဒေသ တည်ငြိမ်ရေး၊ ပြည်သူ့ဘဝ ဖွံ့ဖြိုးတိုးတက်ရေး၊ အမျိုးသားပြန်လည်သင့်မြတ်ရေးတွေကို အလွတ်သဘော ဆွေးနွေးခဲ့ကြတယ်လို့ ဆိုပါတယ်။
အဲဒီ ဆွေးနွေးပွဲမှာ လူမှုစီးပွားဘဝ မြှင့်တင်ရေး၊ မူးယစ်ဆေးဝါး တိုက်ဖျက်ရေးနဲ့ အစားထိုးသီးနှံ စိုက်ပျိုးရေးအပြင် ပညာရေး၊ ကျန်းမာရေးကဏ္ဍတွေမှာ ပူးပေါင်းဆောင်ရွက်ဖို့ နှစ်ဖက်ကိုယ်စားလှယ်တွေက အမြင်ချင်း ဖလှယ်ခဲ့ကြတယ်လို့ဆိုပါတယ်။
အာဏာသိမ်းစစ်တပ်က ငြိမ်းချမ်းရေးဖြစ်စဉ်မှာ အဖွဲ့အစည်းတွေကို ဆက်လက်တွေ့ဆုံဖို့ ဖိတ်ခေါ်ထားကြောင်းနဲ့မိုင်းလားဘက်ကလည်း ငြိမ်းချမ်းရေးဖြစ်စဉ်တွေမှာ အပြုသဘောဆောင် ပါဝင်သွားမယ်လို့ နှစ်ဖက်စလုံးက ပြောဆိုခဲ့ကြတယ်လို့ဆိုပါတယ်။
