​Border News Agency
မန္တလေး၊ ဇွန် ၂၃။

မန္တလေးတိုင်း၊​ တောင်သာမြို့နယ်မှာ ဖြစ်ပွားခဲ့တဲ့ဖြစ်စဉ်နဲ့ပတ်သက်ပြီး PDF တွေက ဝင်ရောက်စီးနင်းခဲ့တဲ့အပေါ် ပြည်သူ့လွတ်မြောက်ရေးတပ်တော် (PLA) က ဇွန်လ ၂၃ ရက်နေ့မှာ သူတို့ရဲ့ သဘောထားကို အသေးစိတ်ထုတ်ပြန်ပြီး တုံ့ပြန်လာပါတယ်။

အဲ​ဒီဖြစ်စဉ်မှာ ဖမ်းဆီးခံရသူတွေကို ပြန်လွှတ်ပေးဖို့အတွက် ငွေကျပ်သိန်းတသောင်းတောင်းခံခဲ့တယ်ဆိုတဲ့ စွပ်စွဲချက်ကို PLA ဘက်က လုံးဝမရှိခဲ့ကြောင်းနဲ့ လုံးဝမဟုတ်မှန်ကြောင်း အဓိကထားပြီးငြင်းဆိုလိုက်ပါတယ်။

​အဲဒီတောင်သာမြို့နယ်အတွင်းရှိ သူတို့ရဲ့တပ်ဖွဲ့ဝင်တွေကို NUG လက်အောက်ခံ PDF တပ်ဖွဲ့တွေက အင်အားသုံးဝင်ရောက်စီးနင်းတာ၊ ရဲဘော်တွေကို ဖမ်းဆီးတာနဲ့ ရုံးခန်းတွေကိုရှာဖွေတာတွေ ပြုလုပ်ခဲ့တယ်လို့ ဆိုပါတယ်။

​အခုလိုပဋိပက္ခတွေဖြစ်ပွားခဲ့ရတာဟာ တော်လှန်ရေးအဖွဲ့အစည်းအချင်းချင်းကြားမှာ ညှိနှိုင်းမှုနဲ့ပူးပေါင်းဆောင်ရွက်မှု အားနည်းချက်တွေကြောင့် ဖြစ်ပေါ်လာရတာလို့ဆိုပါတယ်။

​တော်လှန်ရေးရည်မှန်းချက်အတွက် နှစ်ဖက်အဖွဲ့အစည်းအကြားဆက်လက်ပြီးတော့ပဲ ညှိနှိုင်းဆွေးနွေးသွားမယ်ဆိုတဲ့အကြောင်းနဲ့ တော်လှန်ရေးလုပ်ငန်းစဉ်တွေကို ဆက်လက်ကိုင်စွဲသွားမယ်လို့ PLA က အသိပေးထားပါတယ်။