Border News Agency
ဘူးသီးတောင်၊ဇူလိုင် ၃ ။
အာရက္ခတပ်တော်(AA)ထိန်းချုပ်ထားတဲ့ဘူးသီးတောင်မြို့နယ်မြောက်ပိုင်းရှိဝါးနက်ရုံကျေးရွာအနီးကို ဇူလိုင်လ ၃ရက်နေ့၊နေ့လည်တနာရီအချိန်ခန့်က အာဏာသိမ်းစစ်တပ်လေကြောင်းတိုက်ခိုက်ခဲ့ပါတယ်။
အဲဒီမြန်မာ-ဘင်္ဂလားဒေရှ့်-အိန္ဒိယ သုံးနိုင်ငံနယ်စပ်အနီးရှိ ဝါးနက်ရုံကျေးရွာအနီးပတ်ဝန်းကျင်ကို အာဏာသိမ်းစစ်တပ်တိုက်လေယာဥ်တွေက ဗုံးငါးလုံးကြဲချတိုက်ခိုက်ခဲ့တာလို့ မြေပြင်စစ်ရေးသတင်းရင်းမြစ်တွေက ဆိုကြပါတယ်။
“ဘူးသီးတောင်မြို့နယ်ဝါးနက်ရုံကျေးရွာအနီးကို ဗုံးငါးလုံးကြဲချသွားပါတယ် ။မြေပြင်အခြေအနေကိုတော့ သေချာမသိရသေးပါဘူး။”လို့ မြေပြင်သတင်းရ င်းမြစ်တဦးက Border News Agencyကို ပြောပါတယ်။
အဲဒီဘူးသီးတောင်မြို့နယ်၊ဝါးနက်ရုံကျေးရွာအနီးအနားမှာ အာဏာသိမ်းစ စ်တပ်ဗျူဟာတွေတည်ရှိခဲ့ဖူးပြီး အာရက္ခတပ်တော်တိုက်ခိုက်သိမ်းပိုက်ထိန်းချုပ်ထားတာပါ။
အဲဒီဘူးသီးတောင်မြို့နယ်ရှိအမှတ် ၁၅စစ်ဆင်ရေးကွပ်ကွဲမှုဌာနချုပ်ဟောင်းကို ဇူလိုင်လ ၁ ရက်နေ့က အာဏာသိမ်းစစ်တပ်လေကြောင်းတိုက်ခိုက်ခဲ့ပါတ ယ်။
အဲဒီအပြင်မောင်တောမြို့နယ်ရှိအမှတ် ၅ နယ်ခြားစောင့်တပ်ရင်းကိုလည်း လေကြောင်းတိုက်ခိုက်ခဲ့သလို မောင်တောမြို့နယ်၊ကြိမ်ချောင်းကျေးရွာအနီးရှိစစ်ဗျူဟာဟောင်းကိုလည်း အာဏာသိမ်းစစ်တပ်လေကြောင်းတိုက်ခိုက်ခဲ့ပါတ ယ်။
အာရက္ခတပ်တော်ထိန်းချုပ်ထားတဲ့မောင်တောခရိုင်ကို အာဏာသိမ်းစစ် တပ်က သုံးရက်ဆက်တိုင်းလေကြော င်းတိုက်ခိုက်နေတာဖြစ်ပြီးအာဏာသိ မ်းစစ်တပ်ဗျူဟာတွေ၊ဌာနချုပ်ဟောင်းတွေကို ပစ်မှတ်ထားတိုက်ခိုက်နေတာပါ။
