Border News Agency
ဘူးသီးတောင်၊ ဇူလိုင် ၄။
အာရက္ခတပ်တော်(AA)ထိန်းချုပ်ထားတဲ့ ဘူးသီးတောင်မြို့နယ်၊ ဝါးနက်ရုံရွာကို ဇူလိုင်လ ၃ ရက်နေ့က အာဏာသိမ်းစစ်တပ်လေကြောင်းတိုက်ခိုက်လို့ တဦးသေပြီး ငါးဦးဒဏ်ရာရသွားပါတယ်။
အဲဒီဘူးသီးတောင်မြို့နယ်၊ တရဂူရွာမှ အသက်ခြောက်ဆယ်လေးနှစ်အရွယ် ဒေါ်ယော်သာမေသေဆုံးသွားပြီး အသက်သုံးနှစ်အရွယ် မောင်နေဇော်လင်း၊ အသက်သုံးနှစ်အရွယ် မောင်အောင်အောင်နိုင်၊ အသက်တဆယ့်ရှစ်နှစ်အရွယ် မစန္ဒာမေ၊ အသက်နှစ်ဆယ်သုံးနှစ်အရွယ် ကိုမောင်လှကျော်နဲ့ ဘူးသီးတောင်မြို့နယ်၊ ဆင်ဖြူတောင်ရွာမှ အသက်လေးဆယ်ခြောက်နှစ်အရွယ် ဦးကျော်သာဒဏ်ရာရသွားပါတယ်။
အဲဒီဘူးသီးတောင်မြို့နယ်၊ ဝါးနက်ရုံကျေးရွာအနီးကို ဇူလိုင်လသုံးရက်နေ့၊ မနက်နာရီဆယ့်တနာရီလေးဆယ်ငါးမိနစ်အချိန်ခန့်က အာဏာသိမ်းစစ်တပ်ရဲ့တိုက်လေယာဥ်သုံးစီးဟာ ဗုံးအလုံးရေငါးဆယ်ခန့်ကြဲချတိုက်ခိုက်ခဲ့တာပါ။
အဲဒီဘူးသီးတောင်မြို့နယ်ကို ဇူလိုင်လ ၁ ရက်နေ့ကလည်း အာဏာသိမ်းစစ်တပ်လေကြောင်းတိုက်ခိုက်လို့ ကလေးနှစ်ဦးအပါအဝင်လေးဦးဒဏ်ရာရပြီး လူနေအိမ်တဆယ်ကျော်လည်းပျက်စီးသွားခဲ့ပါတယ်။
အဲဒီအပြင် မောင်တောမြို့နယ်ကို ဇူလို င်လ ၁ ရက်နေ့၊ ညဥ့်ဆယ်နာရီအချိန်ခန့်ကစတင်ပြီး အာဏာသိမ်းစစ်တပ်လေကြောင်းတိုက်ခိုက်တာတွေ အပြင်းအထန်ပြုလုပ်ခဲ့တာပါ။
နောက်ပြီး မောင်တောမြို့နယ်၊ ကြိမ်ချောင်းကျေးရွာအနီးတပ်စခန်းကို ဇူလိုင်လ ၂ ရက်နေ့က ဗုံးကြဲတိုက်ခိုက်ခဲ့တာမို့ အာဏာသိမ်းစစ်ဆရာဝန်တဦးနဲ့ ရိုဟင်ဂျာအမည်ခံလက်နက်ကိုင်အကြမ်းဖက်သမားသုံးဦး သေဆုံးသွားတာပါ။
အဲဒီမောင်တောခရိုင်ကို အာဏာသိမ်းစစ်တပ်က သုံးရက်ဆက်တိုင်းလေကြောင်းတိုက်ခိုက်ခဲ့တာဖြစ်ပြီး ဗုံးအလုံးရေရာချီအသုံးပြု ပစ်ခတ်ခဲ့တာဖြစ်ပါတယ်။
အဲဒီအရပ်သားသေဆုံးဒဏ်ရာရပုံတွေကို Border News Agency ရဲ့ တယ်လီဂရမ်မှာဝင်ကြည့်နိုင်ပါတယ်။
