Border News Agency
ရန်ကုန်၊ ဇူလိုင် ၁၉။
အာရက္ခရေဘေးသင့်ပြည်သူတွေအရေးပေါ်လိုအပ်ချက်တွေအတွက်အမျိုးသားညီညွတ်ရေးအစိုးရ(NUG)ကအာရက္ခပြည်သူ့တော်လှန်ရေးအစိုးရ (APRG)ကို တရုတ်ယွမ်ငွေတသိန်းငါးသောင်းပံ့ပိုးပေးလိုက်တယ်လို့ ထုတ်ပြန်ပါတယ်။
အဲဒီပြည်သူတွေအတွက် အရေးပေါ်က ယ်ဆယ်ရေး၊လူသားချင်းစာနာထောက်ထားမှုဆိုင်ရာအကူအညီတွေနဲ့ ရေဘေးလွန်ပြန်လည်ထူထောင်ရေးတွေမှာ အသုံးပြုသွားမယ်လို့ ဆိုပါတယ်။
အာရက္ခဒေသမှာ မိုးကြီးလို့ဘူးသီးတောင်၊မောင်တော၊ကျောက်တော်၊ မြောက်ဦး၊သံတွဲ အပါအဝင် မြို့နယ်ဆယ့်တမြို့နယ်မှာ ရေကြီးရေလျှံပြီး လူတသိန်းကျော် ရေဘေးဒဏ်သင့်ခဲ့ရပါတယ်။
ရေကျသွားပေမယ့် ဒေသခံတွေဟာ စားနပ်ရိက္ခာ၊သောက်သုံးရေ၊ဆေးဝါးနဲ့အမိုးအကာတွေ အရေးပေါ်လိုအပ်နေပြီး အခြေခံအဆောက်အအုံတွေလည်းပျက်စီးခဲ့ပါတယ်။
အဲဒီထောက်ပံ့မှုအပေါ် အာရက္ခပြည်သူကိုယ်စားကျေးဇူးတင်ဂုဏ်ပြုမှတ်တမ်းလွှာပြန်ပို့ပြီးအမျိုးသားညီညွတ်ရေးအ စိုးရကလည်း ပြန်လည်ထူထောင်ရေးကို ဆက်ပံ့ပိုးသွားမယ်လို့ ဆိုပါတယ်။
