Border News Agency
တောင်ကုတ်၊ဇူလိုင် ၂၂။
အာရက္ခတပ်တော်(AA)ထိန်းချုပ်ထားတဲ့တောင်ကုတ်မြို့နယ်ရှိ၊ကုလားရောင်ကျေးရွာကမ်းပြိုမှုကြောင့် အိမ်လေးဆယ်ကျော်အရေးပေါ် ပြောင်းရွှေ့ရပြီးအ ကူအညီတွေလိုအပ်နေကြပါတယ်။
အဲဒီကျေးရွာဟာ ပင်လယ်နဲ့ချောင်းကြားမှာ တည်ရှိပြီး တချို့နေရာတွေမှာပင်လယ်နဲ့ချောင်းထိစပ်ဖို့ပေသုံးဆယ်ခန့်သာလိုပါတယ်။
အဲဒါကြောင့် ကမ်းထပ်ပြိုရင် တရွာလုံး ရေနစ်မြုပ်မယ့်အန္တရာယ်နဲ့ ရင်ဆိုင်နေရတယ်လို့ ဆိုကြပါတယ်။
“စားနပ်ရိက္ခာလိုမယ်။ ရေပြဿနာတော့ ကြီးကြီးမားမားလိုအပ်ချက်မရှိ။ပြီးရင် အမိုးအကာလိုမယ်။ဖြစ်နိုင်ရင် သူတို့ကိုယာယီနေရာတခု သတ်မှတ်ပြီး ပြောင်း ရွှေ့ပေးဖို့ လိုမယ်လို့ မြင်မိတယ်။ခုထိတော့ ကယ်ဆယ်ရေး သို့မဟုတ် တာဝ န်ရှိသူတွေ မရောက်ကြသေးဘူး။”လို့ကုလားရောင်ရွာသို့ ကိုယ်တိုင်သွားကြ ည့်ခဲ့တဲ့တောင်ကုတ်မြို့မှဆရာတော်တပါးက မိန့်ကြားပါတယ်။
အဲဒီကုလားရောင်ကျေးရွာမှာအိမ်ခြေသုံးရာဝန်းကျင်ခန့်ရှိပြီးကမ်းပြိုတာမှာ အိမ်ခြေခုနှစ်ဆယ်ခန့်ရှိနေပါတယ်။
အဲဒီမှာအရင်တုန်းကစိုက်ပျိုးရေးလုပ်ခဲ့ကြပေမယ့် လယ်မြေတွေပင်လယ်ထဲ ပြိုကျပျက်စီးသွားတယ်လို့ ဆိုကြပါတယ်။
အဲဒါကြောင့် ပင်လယ်ပြင်ကို အဓိကထားပြီး ရေလုပ်ငန်းကိုသာ အဓိကလုပ် နေကြရတာဖြစ်ပါတယ်။
”တချို့ လေးတောင်ဗွေ လို့ခေါ်တဲ့ ခေါ င်းလောင်းတူရွာဘက်ကို ပြောင်းရွှေ့နေ ထိုင်တာရှိတယ်။ ငွေကြေး မတတ်နိုင်တဲ့ တချို့က ကမ်းပြိုလာတဲ့နေရာ အနီးမှာ ယာယီ အဆောင်တွေ ဆောက်ပြီး နေ ထိုင်ကြတယ်။”လို့ ဆရာတော်က ထပ်မိန့်ကြားပါတယ်။
အဲဒီကမ်းပြိုမှုနဲ့ရေဘေးဒဏ်ကို အလူးအလဲ ခံနေရတဲ့ ကုလားရောင်ကျေးရွာသားတွေအတွက် စားနပ်ရိက္ခာ၊အမိုးအကာနဲ့ယာယီနေရာတွေ အရေးပေါ်လိုအပ်နေကြပါတယ်။
