Border News Agency
မကွေး၊ ဇူလိုင် ၂၇။
မကွေးတိုင်း၊ ဆောမြို့နယ်ကို အာဏာသိမ်းစစ်ကားဆယ့်လေးစီးနဲ့ စစ်သည်အင်အားဖြည့်တင်းနေတယ်လို့ မြေပြင်စစ်ရေးသတင်းရင်းမြစ်တွေက ဆိုကြပါတယ်။
အဲဒီစစ်ကားတွေမှာ ရိက္ခာကားနှစ်စီးနဲ့စစ်သည်ကားဆယ့်နှစ်စီးပါဝင်ပြီး စကူမြို့နဲ့ပွင့်ဖြူမြို့ကိုဖြတ်သန်းပြီး စလင်းမြို့သို့ ဒီနေ့မနက် ၁၁ နာရီ ၃၆ မိနစ်အ
ချိန်ခန့်မှာ မောင်းလာကြတာလို့ဆိုကြပါတယ်။
အဲဒီစစ်ကားတွေဟာ ဆောမြို့နယ်၊ လောင်းရှည်အခြေစိုက်၊ အမှတ်၂၅ ကာကွယ်ရေးပစ္စည်းစက်ရုံကို ထပ်အင်အားဖြည့်တင်းလာတာလို့ မြေပြင်သတင်းရင်းမြစ်တွေက ဆိုကြပါတယ်။
အဲဒီလောင်းရှည်အခြေစိုက်၊ အမှတ်၂၅ ကာကွယ်ရေးပစ္စည်းစက်ရုံကို ပြီးခဲ့တဲ့ဇူ လိုင်လ ၁၁ ရက်နေ့ကလည်း စလင်းမြို့မှတဆင့် ကားသုံးဆယ်သုံးစီးနဲ့စစ်သ ည်လက်နက်ခဲယမ်းရိက္ခာတွေဖြည့်တင်းခဲ့ပါတယ်။
အဲဲဒီစစ်သည်အင်အားတွေဟာ ဆောမြို့နယ်မှတဆင့်ကန်ပက်လက်မြို့နယ်ကို ထိုးစစ်ဆင်တိုက်ခိုက်နေတာကို အင်အားဖြည့်စစ်ကူပေးနေတာလို့ မြေပြင်သတင်းရင်းမြစ်တွေက ဆိုကြပါတယ်။
