Border News Agency
ဒီအာကွန်ဂို၊ ဇူလိုင် ၂၇။
ဒီအာကွန်ဂိုနိုင်ငံမှာ အီဘိုလာရောဂါကူးစက်ခံရသူ သုံးထောင့်နှစ်ရာအထိရှိလာပြီး သေဆုံးသူ တထောင့်လေးရာငါးဦးအထိ မြင့်တက်လာပါတယ်။
အဲဒီကူးစက်မှုဟာ ဒီအာကွန်ဂိုရဲ့ဆယ့်ခုနှစ်ကြိမ်မြောက် အီဘိုလာဖြစ်ပွားမှုဖြစ်ပြီး ပြီးခဲ့တဲ့ဆယ်ရက်အတွင်း ကူးစက်ခံရသူတထောင်ခန့် ထပ်မံတိုးလာခဲ့တာဖြစ်ပါတယ်။
အဲဒီရောဂါဟာ ပြီးခဲ့တဲ့မေလ ၁၅ ရက်နေ့က စတင်တွေ့ခဲ့တာဖြစ်ပြီး အတည်ပြုကာကွယ်ဆေး သို့မဟုတ် ကုသဆေး မရှိသေးတဲ့ Bundibugyo ဗိုင်းရပ်စ်မျိုးကွဲကြောင့် ဖြစ်ပွားခဲ့တာပါ။
ရောဂါဖြစ်ပွားမှုရဲ့ကိုးဆယ်ရာခိုင်နှုန်းနီးပါးဟာ တောင်ဆူဒန်နဲ့ ယူဂန်ဒါနယ်စပ်အနီးရှိ အီတူရီပြည်နယ်မှာဖြစ်ပွားခဲ့တာဖြစ်ပြီး ကမ္ဘာ့ကျန်းမာရေးအဖွဲ့ (WHO) က ဖော်ပြထားပါတယ်။
အဲဒီကူးစက်ရောဂါကြောင့် ဒေသတွင်းကျန်းမာရေးဆိုင်ရာ စိုးရိမ်မှုတွေလည်းပိုမြင့်တက်နေပါတယ်။
