Border News Agency
မြောက်ဦး၊ သြဂုတ် ၁။
အာရက္ခပြည်သူ့တော်လှန်ရေးအစိုးရ၊ ဗဟိုအကောက်ခွန်နဲ့အခွန်ဌာန၊ ထီဌာနခွဲရဲ့ ဒုတိယအကြိမ်အာရက္ခထီဖွင့်ပွဲကို ဩဂုတ်လ ၁ ရက်၊ ဒီနေ့ မနက်ကဖွင့်လှစ်ခဲ့ပြီး အမြင့်ဆုံးဆုကျပ်သိန်းခုနှစ်ရာ့ငါးဆယ်အပါအဝင် ပေါက်မဲနံပါတ်တွေထွက်ပေါ်လာခဲ့ပါတယ်။
ပထမဆု ကျပ်သိန်းခုနှစ်ရာ့ငါးဆယ်ပေါက်မဲနံပါတ်မှာ ၃၀၃၂၄၃ ဖြစ်ပြီး၊ ဒုတိယဆု ကျပ်သိန်းငါးရာ ပေါက်မဲနံပါတ် ၄၆၅၁၉၃၊ တတိယဆုကျပ်သိန်းလေးရာပေါက်မဲနံပါတ် ၁၄၁၄၀၆၊ စတုတ္ထဆု ကျပ်သိန်းသုံးရာပေါက်မဲနံပါတ် ၂၇၅၅၉၁ နဲ့ ပဥ္စမဆု ကျပ်သိန်းနှစ်ရာကို ၁၀၄၀၃၁ တို့ အသီးသီးဆွတ်ခူးသွားခဲ့ကြပါတယ်။
အဲဒီအပြင် ဆဋ္ဌမဆု ကျပ်သိန်းတရာနှစ်ဆုအတွက် ပေါက်မဲနံပါတ်တွေဖြစ်တဲ့ ၆၅၁၂၉၄နဲ့ ၁၉၆၂၄၅ တို့ ဖြစ်ကြပါတယ်။
နောက်ကျန်နေသေးတဲ့ကျပ်သိန်းငါးဆယ်ဆုအတွက် ပေါက်မဲနံပါတ်ကိုးခု၊ ကျပ်ဆယ်သိန်းဆုအတွက် ပေါက်မဲနံပါတ်ဆယ်ခုနဲ့ ကျပ်ငါးသိန်းဆုအတွက် ပေါက်မဲနံပါတ် နှစ်ဆယ်၂၀ တို့ကိုလည်း ဆက်လက် ဖော်ပြပေးသွားမှာ ဖြစ်ပါတယ်။
အာရက္ခထီကို ပြည်သူ့တော်လှန်ရေးရန်ပုံငွေ ရှာဖွေရေးနဲ့အာရက္ခပြည်သူ့အစိုးရရဲ့ အုပ်ချုပ်ရေး လုပ်ငန်းစဉ်တွေကို အထောက်အကူပြုနိုင်ဖို့အတွက် ပုံမှန်ဖွင့်လှစ်ပေးနေတာဖြစ်ပါတယ်။
