Border News Agency
ဧရာဝတီ၊ သြဂုတ် ၃။
ဧရာဝတီတိုင်း၊ လေးမျက်နှာမြို့နယ်မှာ ငဝန်ရေကာတာကျိုးပေါက်မှုကြောင့် မိုးစပါးစိုက်ဧကတသောင်းကျော် ရေနစ်မြုပ်ခဲ့ပေမယ့် တိုင်းတခုလုံးရဲ့ စိုက်ဧကနဲ့ယှဉ်ရင် သုညဒသမသုံးတစ်ရာခိုင်နှုန်းသာရှိတာကြောင့် မိုးစပါးစိုက်ပျိုးမှုအပေါ်ထိခိုက်မှုမရှိနိုင်ဘူးလို့ တိုင်းဒေသကြီးအစိုးရအဖွဲ့က ဩဂုတ်လ ၃ ရက်၊ ဒီနေ့ထုတ်ပြန်ပါတယ်။
တိုင်းအတွင်း ဆန်ဖူလုံမှုလေးရာခုနှစ်ဆယ့်သုံးရာခိုင်နှုန်းကျော်ရှိနေတဲ့အပြင် စပါးပင်တွေဟာလည်း ရေနစ်မြုပ်မှုကို တဆယ့်လေးရက်ခန့် ခံနိုင်ရည်ရှိတာကြောင့် ရေပြန်ကျသွားပါက ထိခိုက်မှုမရှိနိုင်ဘူးလို့ဆိုပါတယ်။
ရေကာတာကျိုးပေါက်မှုကြောင့် လေးမျက်နှာမြို့ရပ်ကွက်ငါးခုနဲ့ ကျေးရွာကိုးရွာက လူဦးရေရှစ်ထောင်သုံးရာကျော် ရေဘေးသင့်ခဲ့ပြီးအစိုးရနဲ့ သက်ဆိုင်ရာဌာနတွေက ဆန်ရိက္ခာဖိုးနဲ့ စားသောက်ကုန် စုစုပေါင်းကျပ်သန်းရှစ်ဆယ်သုံးသန်းကျော် ထောက်ပံ့ပေးခဲ့တယ်လို့ဆိုပါတယ်။
လက်ရှိမှာ တာအလျား ပေသုံးဆယ်ခန့်မှာ ငါးပေနိမ့်ဆင်းပြီး အကျယ် ပေတရာခုနစ်ဆယ်ကျိုးပေါက်သွားတာကို ပြန်လည်ပြုပြင်တည်ဆောက်ဖို့ ဆောင်ရွက်နေတယ်လို့ဆိုပါတယ်။
အနိမ့်ပိုင်းမှာရှိတဲ့ ပြည်သူတွေအနေနဲ့ ဘေးလွတ်ရာကုန်းမြင့်တွေနဲ့ ကယ်ဆယ်ရေးစခန်းတွေကို အရေးပေါ် ရွှေ့ပြောင်းကြဖို့နဲ့ လျှပ်စစ်အန္တရာယ်သတိပြုကြဖို့ တိုင်းအစိုးရအဖွဲ့က အသိပေးနှိုးဆော်ထားပါတယ်။
