Border News Agency
ဘန်ကောက်၊သြဂုတ် ၁၉။
ထိုင်းနိုင်ငံရဲ့ပထမဆုံးအမျိုးသမီး၊ ငြိမ်းချမ်းရေးနဲ့လုံခြုံရေးဆိုင်ရာအမျိုးသားအဆင့်စီမံကိန်းအတွက် ဆွေးနွေးပွဲတွေကို ဘန်ကောက်မှာကျင်းပခဲ့တယ်လို့ အာရှ၊ပစိဖိတ်ဒေသကဆိုင်ရာကု လသမဂ္ဂအမျိုးသမီးအဖွဲ့က ဩဂုတ်လ ၁၈ ရက်နေ့ထုတ်ပြန်ပါတယ်။
အဲဒီအမျိုးသမီး၊ ငြိမ်းချမ်းရေးနဲ့လုံခြုံ ရေး(Women၊Peace And Security – WPS)မူဘောင်ကို ကုလသမဂ္ဂလုံခြုံရေးကောင်စီက ၂၀၀၀ ပြည့်နှစ်မှာ ဆုံး ဖြတ်ချက်အမှတ် ၁၃၂၅ နဲ့အတည်ပြုထားပါတယ်။
အဲဒီထိုင်းနိုင်ငံဟာ အမျိုးသမီး၊ ငြိမ်းချမ်းရေးနဲ့ လုံခြုံရေး(Women၊Peace And Security – WPS)စံနှုန်းတွေကို အကောင်အထည်ဖော်ဖို့ စာရွက်မှလက် တွေ့ဆီသို့ရောက်ရှိလာစေဖို့အတွက် ခုလိုဆွေးနွေးပွဲတွေကို ကျင်းပတာလို့ဆိုပါတယ်။
အဲဒီအမျိုးသမီးတွေဟာ ဆုံးဖြတ်ချက်ချပိုင်ခွင့်နဲ့ ငြိမ်းချမ်းရေတည်ဆောက်မှုကဏ္ဍတွေမှာဦးဆောင်ပါဝင်မှသာ ရေရှည်တည်တံ့တဲ့ငြိမ်းချမ်းရေးကိုရရှိနိုင်မယ်ဆိုတာကို အလေးထားတာမို့ခုလိုဆွေးနွေးပွဲတွေကို တဆင့်ချင်းပြုလုပ်လာတာဖြစ်ပါတယ်။
အဲဒီဆွေးနွေးပွဲမှာ အစိုးရ၊ အရပ်ဖက်အဖွဲ့အစည်းတွေနဲ့ စီးပွားရေးအုပ်စုတွေရဲ့ ကိုယ်စားလှယ်တွေတက်ရောက်သလို အလွှာစုံကအမျိုးသမီးကိုယ်စားလှယ်တွေလည်း တက်ရောက်ကြပါတယ်။
အဲဒီထိုင်းနိုင်ငံဟာ အမျိုးသမီး၊ ငြိမ်းချမ်းရေးနဲ့လုံခြုံရေး(Women၊Peace And Security – WPS)စံနှုန်းတွေကို အကောင်အထည်ဖော်ဖို့ရာမှာ အစိုးရနဲ့ အ ရပ်ဘက်အဖွဲ့အစည်းတွေကြား စီမံကိန်းကို ဘယ်လိုလက်တွေ့ပူးပေါင်းအကောင်အထည်ဖော်ကြမလဲဆိုတာကို အဓိကဆွေးနွေးခဲ့ကြတယ်လို့ ဆိုပါတယ်။
အဲဒီအမျိုးသမီးအရေးဆောင်ရွက်နေသူတွေလက်တွေ့ရင်ဆိုင်နေရတာတွေ၊ အတွေ့အကြုံတွေကိုလည်း ဆွေးနွေးကြသလို အောက်ခြေလူထုအသိုင်းအဝိုင်းက အမျိုးသမီးတွေရဲ့အသံနဲ့ လိုအပ်ချက်တွေ၊ အတွေ့အကြုံတွေကိုအမျိုးသားအဆင့်မူဝါဒတွေ၊ စီမံကိန်းတွေထဲမှာ ထည့်သွင်းပုံဖော်နိုင်အောင် အားထုတ်ခဲဲ့ကြပါတယ်။
အဓိကတော့ စီမံကိန်းအောင်မြင်ဖို့အတွက်အစိုးရ၊ စီးပွားရေး၊ ဖွံ့ဖြိုးရေးဆိုင်ရာနယ်ပယ်ထဲက မိတ်ဖက်တွေနဲ့ထိုင်းအမျိုးသမီးအရေးဆောင်ရွက်နေသူတွေကြား ဘယ်လိုပူးပေါင်းဆောင်ရွက်ကြမလဲဆိုတာကို ဆွေးနွေးကြတာဖြစ်ပါတယ်။
ကုလသမဂ္ဂကချမှတ်ထားတဲ့ အမျိုးသမီး၊ ငြိမ်းချမ်းရေးနဲ့လုံခြုံရေး(Women၊Peace And Security – WPS)စံနှုန်းတွေကို နိုင်ငံတော်တော်များများမှာ အ ကောင်အထည်ဖော်နေကြသလို ထိုင်းနိုင်ငံလည်းအကောင်အထည်ဖော်နေတာဖြစ်ပါတယ်။
