Border News Agency
မကွေး၊ ဩဂုတ် ၂၂။
အမျိုးသားညီညွတ်ရေးအစိုးရ (NUG) ရဲ့ လူ့အခွင့်အရေးဆိုင်ရာဝန်ကြီးဌာနကို ဖျက်သိမ်းလိုက်ကြောင်းဩဂုတ်လ ၂၁ ရက်နေ့ထုတ်ပြန်လိုက်ပါတယ်။
ပြည်ထောင်စုလူ့အခွင့်အရေးကော်မရှင် ဥပဒေကြမ်းကို လုပ်ထုံးလုပ်နည်းတွေနဲ့အညီ အတည်ပြုပြဋ္ဌာန်းပြီး လွတ်လပ်တဲ့ ကော်မရှင်အဖြစ်ဖွဲ့စည်းနိုင်ဖို့ဆောင်ရွက်နေတာကြောင့် ဖျက်သိမ်းရတာလို့ဆိုပါတယ်။
အဲဒီကော်မရှင်ကိုဖွဲ့စည်းပြီး လူ့အခွင့်အရေးဆိုင်ရာတွေကို ပိုမိုထိရောက်စွာဆက်လုပ်သွားနိုင်ဖို့ စီစဉ်နေတယ်လို့လည်းဆိုပါတယ်။
အဲဒါကြောင့်ပြီးခဲ့တဲ့ ၂၀၂၁ ခုနှစ်၊မေလ ၃ ရက်နေ့ကတည်းက စတင်ဖွဲ့စည်းထားခဲ့တဲ့ အမျိုးသားညီညွတ်ရေးအစိုးရရဲ့ လူ့အခွင့်အရေးဆိုင်ရာဝန်ကြီးဌာနကို အပြီးသတ်ဖျက်သိမ်းလိုက်တာဖြစ်ပါတယ်။
အဲဒီဝန်ကြီးဌာနကိုဖျက်သိမ်းပြီး ပြည်ထောင်စုလူ့အခွင့်အရေးကော်မရှင်အဖြစ် ပြောင်းလဲဖွဲ့စည်းမယ့်လို့ ဆိုပါတယ်။
