Border News Agency
ထိုင်း၊ ဩဂုတ် ၂၂။
ထိုင်းနိုင်ငံ၊ချွန်ဘူရီခရိုင်၊နာဂျွန်တီယမ်နယ်မြေရှိ တရုတ်နိုင်ငံသားရဲ့နေအိမ်မှဘတ်လေးသိန်းငါးသောင်းကျော်တန်ကင်မရာနဲ့ ဆက်စပ်ပစ္စည်းတွေခိုးယူခဲ့တဲ့ အသက်ဆယ့်ရှစ်နှစ်အရွယ် မြန်မာလူငယ်တဦးဖမ်းဆီးခံရပါတယ်။
အဲဒီမြန်မာလူငယ်ကို အသက်ငါးဆယ်သုံးနှစ်အရွယ်တရုတ်နိုင်ငံသားက နေအိမ်စောင့်ရှောက်ဖို့ ဩဂုတ်လ ၁၆ ရက်နေ့မှာ အလုပ်ခန့်ခဲ့တာဖြစ်ပါတယ်။
အလုပ်ရှင်ခရီးမှ ဩဂုတ်လ ၂၀ ရက်နေ့မှာပြန်ရောက်ချိန် Sony ကင်မရာနှစ်လုံး၊ မှန်ဘီလူးနှစ်လုံး၊ မိုက်ခရိုဖုန်းငါးလုံးနဲ့အခြားပစ္စည်းတွေပျောက်ဆုံးနေတာကြောင့် ရဲစခန်းမှာအမှုဖွင့်ခဲ့ပါတယ်။
ရဲတပ်ဖွဲ့ကစုံစမ်းစစ်ဆေးပြီး ဘန်လမုန်နယ်မြေရှိ ဟိုတယ်တခုမှာ သံသယရှိသူ မြန်မာလူငယ်ကိုကင်မရာ၊မှန်ဘီလူးအချို့နဲ့အတူ ဖမ်းဆီးရမိခဲ့ပါတယ်။
ဖမ်းဆီးခံရသူကခိုးယူကြောင်းဝန်ခံထားပြီး နာဂျွန်တီယမ်ရဲစခန်းမှာ အလုပ်ရှင်ရဲ့ပစ္စည်းခိုးယူမှုနဲ့ အရေးယူထားပါတယ်။
